Халықаралық Олимпиада ко­ми­теті 1948 жылы Санкт-Мори­цеде өткен ХОК-тың 42-сессиясында 23 маусымда Ха­лық­аралық Олимпиада күнін өткізу туралы шешім қабыл­дады. Бұл күннің таң­далуы де бекер емес. 1894 жыл­дың 23 маусымында ХОК құрыл­ған болатын. Дәл сол күні Олим­пиадалық қозғалыстың негі­зін салушы, барон Пьер де Кубертен халықаралық атлетикалық конгресс алдында тарихи баяндама жасады. Мерекені тойлау барысында Қазақстан қалаларында жыл сайын спорттық-бұқаралық іс-шаралар ұйымдастырылады.

Биыл да осындай атаулы да­та қарсаңында Қазақстанның Ұлт­­тық Олимпиада коми­теті #TEAMKZ мүше­лерімен бірлесе оты­­рып, спорт жанкүйерлеріне қы­зық­ты іс-шаралар өткізді. Ко­ро­навируске байланысты бар­­лық жиын онлайн формат­та­ өтті. Олимпиада күні қар­са­ңында ұйымдастырылған іс-ша­ралардың шымылдығын Токио Олим­пиа­дасына жолдама алған, 2016 жыл­ғы Рио ойындарының күміс жүл­дегері, боксшы Василий Левит түрді. Даңқты былғары қолғап шебері YouTube желісі арқылы спорт жанкүйерлерімен онлайн жүз­десіп, өзінің Олим­пиададағы естелігімен бөлісті. Ал келесі күні жүзуден Рио Олим­пиадасының чемпионы Дмитрий Баландин олимп тұғырына апарған жолға шолу жасап, жас жанкүйерлермен әң­гіме-дүкен құрды. Әрі қа­рай онлайн марафонды фрис­тайл-акробатикадан әлем кубо­гы кезеңдерінің жүлдегері Жан­­бота Алдабергенова мен Па­ралим­пиада ойындарының чемпионы Зул­фия Губайдул­лина жалғап, жас­тармен тіл­десті. Спорт тілімен айтқанда бұл жан­кү­йер­­лер үшін дене қыздыру жат­­­тығуы болды. Ал мереке қар­­­­саңындағы ең­ негізгі шара 21­ мау­сымда ұйым­дастырылды. Дәл осы күні еліміздің беткеұстар спорт­­­шы­лары интерактивті олим­­­пиа­далық марафон өткізіп, жан­күйерлерге бағалы сыйлық табыстады. Атап айтар бол­сақ, Елдос Сметов, Алмат Ке­біспаев, Алексей Луценко, Васи­лий Ле­вит, Әлия Юсупова, Эли­забет Тұрсынбаевалар тіке­лей эфирдің қонағы болып, спорт­тағы қызық оқиғаларын баяндады.

Ұлттық Олимпиадалық комитет ұйымдастырған интерак­тивті кездесуде тікелей эфирге шығып, өз басынан өткен қызықты оқи­ғалармен ең бі­рінші болып бокс­тан әлем чемпионатының екі дүр­кін қола жүлдегері Абылайхан Жүсіпов бөлісті. Ол өзінің биік­ке ұмтылуына себеп болған жек­пе-жек туралы айтып берді.

– 12 жасымда Шахтинск қа­ласында Александр Алек­сан­дровты еске алуға арналған турнирге қатыстым. Турнирдің фи­налына шығып, бас жүлде ие­герін анықтайтын сәтті күтіп тұр­­­­мыз. Осы сәтте төрешілердің де нақты шешім шығара алмай, ақыл­дасып жатқанын көрдім. Өйт­кені екеуміз де тең түскен екенбіз. Сол кезде біздің даңқты жерлесіміз Геннадий Головкин тур­нирді тамашалауға келген екен. Головкиннің кәсіби боксқа енді көшіп, жұл­дызы жанып келе жатқан сәт. Ол тө­решілердің қа­сына ба­рып, менің соққыларым көп бол­ғанын, жақсы жұды­рық­тасқанымды айтты. Міне, сол жеңіс, Головкиннің сол бір сөзі маған қанат берді. «Бала ке­зіңізден үлкен мақсат қойы­ңыздар. Арман-мақсаттар мін­детті түрде орындалады», дейді.

Ал грек-рим күресінен әлем чемпионатының бір­не­ше дүр­кін жүлдегері, Олим­пия ойын­дарының қаты­сушысы Ал­мат Кебіспаев Олим­пиа­дадағы атмосфераны баяндап берді. «Олим­пиада тек қана жа­рыс емес, ол төрт жылда бір рет өтетін үл­кен тарихи ша­ра, спортшылар ме­рекесі. Олим­пиада қалашығы – Олимпиада кезіндегі спортшылар үйі. Он­дағы атмосфера да ерекше. Қазақстан құрама командасы бір тұрғын кешенінде орналастырылып, бір ту астына жиналамыз. Бір шаңырақ астында болғандықтан, бір-бірімізбен достасып, арқа-жарқа боламыз. Тек қана жарыста емес, жарыстан тыс уақытта да бір-бірімізді қолдауға тырысамыз. Жеңіске жетсе, мерекені өз дәре­жесінде атап өтіп, спортшыларымыз жеңіліске ұшыраса, демеу береміз. Олимпиадаға көбі­сі қыдыруға барады деп ойлай­ды. Ол қате түсінік», дейді Алмат.

Дзюдодан әлем чемпионы­ және қола жүлдегері, Азия ойын­­­­дарының жеңімпазы, Рио Олим­пиадасының күміс жүл­дегері Елдос Сметовтің пікі­рінше, кіш­кентай кезден ар­маныңа адал бо­лып, өз ісіңе махаб­батпен қа­рау керек. «Ар­ман, мақсат адам­­­ның жасымен өлшенбейді. Кіш­­кентаймын деп мақсатсыз, жос­­парсыз жүруге де болмайды. Кішкентай кезіңнен бастап бел­гілі бір мақсат қойып, соған махаббатпен қарау керек. Жолдан тайып кетпей, мақсатқа жету жолында аянбай еңбек ету керек деп ойлаймын. Мәселен, өзім үлкен жарысқа шығарда міндетті түр­де жоспар құрып, сол жарыста жеңу керек деп мақсат қоямын. Се­бебі кішкентай кезімде арман, мақсаттарымды ақ қағазға түсіріп отыратынмын. Өскенде бұл әдет бо­лып қалыптасып кетті», дейді ол.

Велоспорттан 2018 жылғы Азия ойындарының жеңімпазы Алексей Луценко тікелей эфирде спорттағы ең сәтсіз кезеңін еске алды. «2016 жылы өзімнің бірінші Олимпиадама баратын кезде, жарақатыма байланысты Рио Олим­пиадасына қатыса алмадым. Олимпиаданың алдында алған жарақатым ма­ған өте үлкен соққы болды. Себе­бі Олимпиадаға қа­тысу бар­лық спортшының арманы. Өкі­нішке қарай сол кезде мен Олимпиаданы үйден тамашаладым».

Мәнерлеп сырғанаудан әлем чемпионатының күміс жүлдегері Элизабет Тұрсынбаева спортқа қа­лай қадам басқанын және Сай­тамадағы әлемдік сында төрт­тік сальховты қалай орын­дағанын айтып берді. «Менің ең үлкен жеңісім – мә­нерлеп сырғанаудан әлем чем­пионатының күміс жүлдесі. Ал­­ғашында мен жүлдегерлер қатарынан көрінемін деп ой­лаған жоқпын. Бар болғаны бағдар­ламаны қатесіз орындауды мақсат еткенмін. Оның үстіне, төрт ай­налым сальховты чемпионат алдындағы жарыстарда соңына дейін жеткізе алмадым. Әлемдік сында осы олқылықтың орнын толтырғым келді. Әрине, төрт айналым элементті жаттығуда орындау бір бөлек, мыңдаған адамның алдында орындау бір бөлек. Қуанышқа қарай, әлем бірін­шілігінде алғаш рет таза орын­дап, күміске қол жеткіздім», дейді Э.Тұрсынбаева.

Онлайн марафон соңында ұйымдастырушылар «Олимпиада балалық шақтан басталады» атты олимпиадалық құндылықтарға арналған мурал байқауының жеңім­паздарын анықтады.

Айта кетейік, қазіргі таңда Қазақстанның Олимпиадалық құ­­рамы келесі жылы Токио төрін­де жалауы желбірейтін жаз­­­ғы Олим­пия ойындарына дайын­­далып жатыр. Ең кейін­гі мәлі­меттерге жүгінсек, Қазақ­стан­ның спортшылары осы күнге дейін Токио Олим­пиадасына 42 жол­дама жеңіп алған.