Суға шомылу ережесін бұзған 64 адам әкімшілік жауапкершілікке тартылды

Аймақтар • 25 Маусым, 2020

Суға шомылу ережесін бұзған 64 адам әкімшілік жауапкершілікке тартылды

9 рет көрсетілді

Комиссия тексерісі бойынша елордада көпшілік суға шомылатын 23 орын анықталған. Олардың үшеуі рұқсат етілген: Орталық жағажай, "Три пескаря" және "Столичный двор" демалыс аймақтары, 20-сы тыйым салынған орындар, - деп жазады Нұр-Сұлтан әкімдігінің ресми сайты.

Ақмарал АҒЗАМҚЫЗЫ

"Қаланың төрт ауданында тегін коммуналдық жағажайлар ашу қолға алынды. Олар: Алматы-3, Байқоңыр-1, Есіл-3, Сарыарқа-3 аудандары", деп атап өтті ТЖД баспасөз қызметі.

9 мамырдан бастап 141 тыйым салу белгісі мен 20 ақпараттық стенд орнатылған, 20 қалқыма белгілер де қойылған, 14 қайық және сүңгуірлер күнделікті кезекшілік етеді.

Ішкі істер органдарының қызметкерлері мен волонтерлер бірігіп 155 рейд жүргізді. Суда ережелерді бұзғаны үшін 64 адам әкімшілік жауапкершілікке тартылды. Қала мектептерінің 3 250 оқушысына арнайы алты интерактивті сабақ өткізілді.

Күн сайын рейдтік шараларға барлық 23 учаске бойынша тексеретін жеке құрамдағы (ТЖД, ДП, МГ, волонтерлер) 80 адам қатысады. 1 маусымда қала акваториясында үш адам қаза болды. Екі адам құтқарылды.

"Суға шомылу кезеңінде азаматтық қорғау органдарының жеке құрамы күшейтілген қарқында қызмет атқаруда. Сонымен қатар карантин кезеңінде санитарлық нормаларды есепке ала отырып, жаппай суға түсу орындарына бару нұсқаулығы бекітілді. Сондай-ақ судағы қауіпсіздік ережелері бойынша теле және радиода ақпарат берілуде. Бұл жұмыс күшейтілген режимде жүргізіледі және ол судағы оқыс оқиғаларды азайтуға септігін тигізеді", деді басқарма.

Күннің маңызды және өзекті жаңалықтарын «Егемен Қазақстан» телеграм каналынан оқыңыз