Футбол • 30 Маусым, 2020

Чемпионат қайта жалғасады

117 рет
көрсетілді
1 мин
оқу үшін

Коронавирус пандемиясына байланыс­ты уақытша тоқтатылған футболдан Қазақстан чемпионаты 1 шілдеден бас­тап қайта жалғасатын болды.

Чемпионат қайта жалғасады

Ел біріншілігі өзге елдердегідей көрер­менсіз өтеді және жарыс кезінде қызмет ететін адамдардың саны шектеулі болады. Сонымен қатар Қазақстан кәсіпқой футбол лигасы командаларға санитария талаптарын қатаң сақтауды міндеттеген.

Пандемияға байланысты уақытша үзіліс кезінде Павлодардың «Ертіс» командасы қаржылық жағдайға байланыс­ты чемпионатты жалғастыра алмайтын болған соң, ұйымдастырушылар матч күн­тіз­бесін қайта жасақтап шықты. Ере­жеге сай, әр тур бес ойыннан тұрады және ко­ман­­далар кезектесіп бір турға қатыс­пайды. Осы­лайша турнирді 11 команда жал­ғас­тыратын болды.

Ел чемпионатының үшінші турында «Тобыл» – «Каспий», «Қайсар» – «Тараз», «Қызылжар» – «Оқжетпес», «Қайрат» – «Жетісу» және «Ордабасы» – Шахтер» командалары ойнайды. Жоғарыда айтып өткендей, бұл турда «Астана» футболшыларына демалыс берілген. Ал Бірінші және Екінші лига командалары арасындағы біріншілік және Қазақстан Кубогы 1 тамызда басталады.