Аймақтар • 01 Шілде, 2020

Павлодарда "Баянтау" спорт сарайында 200-ге жуық төсек дайындалды

17 рет көрсетілді

Спорт сарайында қажет болған жағдайда аурудың жеңіл түрі бар пациенттер орналастырылмақ, деп хабарлайды pavlodarnews.kz тілшісі.

Бұл туралы өңірлік коммуникациялар қызметінде онлайн форматта өткен баспасөз конференциясында Павлодар облысы әкімінің бірінші орынбасары Сұңғат Есімханов мәлім етті.

"Баянтауда ертеңгі күнге дейін екі жүзге жуық төсек дайындалады", - дейді Сұңғат Есімханов. – Бұл төсек орындарды пайдалану жағдайға байланысты болады. Бірақ бұл жерде аурудың жеңіл түрі бар науқастар үшін белгілі бір процедураларды жүргізуге және алғашқы көмекті ғана болады. Кейін науқастың жағдайына байланысты кәсіби ауруханаларға жеткізіледі.

Аталмыш екі жүз төсек орын спорт сарайының бір үлкен залында ашылады.

"Провизорлық стационарлар барлық қалалар мен аудан орталықтарында ашылады", - дейді облыс әкімінің бірінші орынбасары. - Ақсу қаласында "Еуразия" медициналық орталығы дайындалуда. Спорттық ғимарат базасында үлкен госпиталь ашу бойынша дайындық жұмыстарын жүргізудеміз.

Естеріңізге сала кетейік, бүгінгі күні Павлодар облысында коронавирустық инфекцияның 1139 жағдайы тіркелген. Сонымен қатар, өңірде пневмониямен ауыратын науқастар санының бұрын-соңды болмаған өсуі тіркелуде.

Соңғы жаңалықтар

Адасқан балалар аман-есен табылды

Аймақтар • 07 Тамыз, 2020

Ұқсас жаңалықтар