ЖАҢА УНИВЕРСИТЕТ СТРАТЕГИЯСЫ ТАЛҚЫЛАНДЫ

Сәрсенбі күні Премьер-Министр Кәрім Мәсімов Астананың Жаңа университетін дамыту стратегиясын талқылау жөніндегі халықаралық конференцияға қатысушы халықаралық академиялық, ғылыми және іскерлер қауымдастығы өкілдерімен кездесу өткізді, деп хабарлады Премьер-Министрдің баспасөз қызметі. Кездесуге Results for Develop­ment Іnstіtute басшысы Деннис де Трей (АҚШ),  Мэриленд универ­си­тетінің құрметті физика про­фес­соры және Ғарышты зерттеу инс­ти­тутының құрметті директоры Роальд Сагдиев (АҚШ), Орталық Азия және Кавказ институтының төрағасы, Джон Хопкинс универ­си­теті Пол Нитц атындағы озық ха­лық­аралық зерттеулер мекте­бінің про­фессоры Фредерик Старр (АҚШ), ғалым-физик, Арагон ұлт­тық лабораториясының профес­со­ры Зинеттулла Инсепов (АҚШ), Сингапур ұлттық университетінің профессоры Радж Раджагопалан, Кэм­бридж-Орталық Азия бағдар­ла­ма­сының төрағасы, Кэмбридж уни­верситетінің физика про­фессоры Сиддхарт Шанкер Сак­сен (Ұлы­бри­тания) және басқалар қатысты. Кездесу барысында Астананың Жаңа университетін дамыту стра­те­гиясы мәселелері, сондай-ақ оның Халықаралық консультатив­тік кеңесінің жұмысы жөнінде пікір алмасылды. Премьер-Министр Астананың Жаңа универси­те­тінің озық әлемдік тәжірибедегі жоо ретінде қалыптасуына мүдделі екенін, Үкіметтің оны дамытуға жан-жақты қолдау көрсетуге дайын екенін атап өтті. Сондай-ақ ол шет­елдік әріптес­терді Қазақ­станмен белсенді қызметтестікке шақырды.