Елбасы • 03 Шілде, 2020

Ел бағы үшін жарқыраған жұлдыз

140 рет көрсетілді

Кеңес Одағы ыдырап, оның құрамында болып келген түркітектес бес респуб­лика тәуелсіздіктерін жариялаған кезде барша түркиялықтармен бірге мен де қатты қуандым. Бұл қуаныш сезімі маған Қазақстан, Әзербайжан, Түрікменстан, Өзбекстан, Қырғызстан республикаларын өз шама-шарқымша зерттеуіме түрткі болды.

Сондай-ақ елдің жазуын латын әліп­биіне көшіруге жол ашты, осы ба­­ғыт­­та арнайы шешім қабылдады. Бұл орайдағы жұмыстар қазір жүзеге асып жатыр. Елбасының осы жөніндегі шешім­дерінен елінің болашағына, оның білімі мен ғылымына, мәдениетіне қатты алаң­дайтыны анық аңғарылады.

Тағы бір стратегиялық қадамы – жаңа астана салуы. Бұл бізге мынаны көрсетеді: мақсат – кең-байтақ қазақ жерін қазақ хал­қына толық игерте отырып, оның мәң­гілік иесі болып қалуын қамтамасыз ету.

Бүгінде Қазақстан экономикасы құнды ресурстарымен дамып, өркен­деп келеді. Бұл ел әлемнің барлық мемле­кеттерімен дос, сенімді серіктес. Қазақ­станның сенім­ді әріптестерінің алдыңғы қатарында Түркия да бар.

Нұрсұлтан Назарбаевтың елін эконо­ми­калық тұрғыда дамытуда дұрыс жол таңдай білуінің арқасында Қазақстан көзделген мақсаттарға ертерек қол жет­кізді. Қазір уақыт талабына сәйкес, ел алдына жаңа міндеттер қойылып отыр.

Елдің сыртқы саясаттағы табыс­тары туралы да көп айтуға болады. Елба­сы Н.Назарбаевтың командасы қалып­тастыр­ған Қазақстанның сыртқы саясаты берік негізге құралған. Елдің Назарбаев ұсынған көпвекторлы саясаты өзін толық ақтап қана қоймай, келешек үшін де даңғыл жол ашып отыр. Қазақстанның өзге мемлекеттермен екі­жақты, көпжақты ынтымақтастығын, халықаралық ұйымдар шеңберіндегі байланыстарын дамыту ісінде қол жеткізген табыстары өте көп. Бұлардың барлығы елдің әлемдік аренадағы беде­лін биікке көтерді.

Қазақстанның бүгінге дейінгі барлық жетістіктері Елбасының дұрыс жол таң­­дауымен, елдің стратегиялық жос­парын көрегендікпен нақтылауымен тіке­лей байланысты. Нақтысын айт­қанда, Н.Назарбаев өз елінің жағдайын, мүм­кіндігін талдай отырып, елдің бола­шаққа арналған жоспарын дұрыс құра білді. Мақсат-міндеттерді дұрыс ай­қындау, бағыт-бағдарды дұрыс көр­сету көреген көшбасшыларға тән қасиет.

Тағы бір айта кетер жайт, Н.Назарбаев­тың сарабдал саясатын сабақтастыра жалғастырып келе жатқан Қазақстан Президенті Қасым-Жомарт Тоқаевтың Мемлекет басшысы ретінде қабылдаған барлық шешімдері үлкен қошеметке лайық. Басқасын айтпағанда, елдің білім саласына бөлінетін бюджет қаржысын 6 есеге, ғылымға бөлінетін қаржыны 7 есеге арттыру жөніндегі шешімін барша қазақстандықтар жылы қабылдады. Біз, Анадолы түріктері Қ.Тоқаевтың бұл шешімінің қаншалықты маңызды екенін білеміз. Тіршіліктің негізі білім мен ғылым екені баршаға түсінікті.

Қорыта айтқанда, Қазақстанның қалыптасу үдерісіндегі Нұрсұлтан Назарбаев­тың өлшеусіз еңбегін кейінгі ұрпаққа түсін­діру қажет. Жаңа елді қалып­тастыру, оның әлемдік аренадағы орнын нақтылау бақыты кез келген адамға бұйыра бермейді. Сон­дықтан барша қазақстандықтар Елбасы Нұрсұлтан Назарбаевтың ел алдындағы еңбегін, тұлғалық қасиетін бүгінгіге, келе­шек ұрпаққа үлгі етіп көрсету ба­ғытындағы жұ­мыстарын жандандыра түспек ниетін әбден қолдауға болады. Бұл түптеп келгенде Қазақстан үшін, оның болашағы үшін маңызды.

 

 Сертач Еш,

«Жұмхұриет» газетінің Анкара бюросының басшысы – Бас редактор

Соңғы жаңалықтар

ҚХЛ: Виза бермей жатыр

Хоккей • Бүгін, 15:18

COVID-19 адамнан итке жұққан

Коронавирус • Бүгін, 14:15

Қиын кезең артта қалды - министр

Қазақстан • Бүгін, 11:14

Жырақта өткен жиырма жыл

Оқиға • Бүгін, 08:16

Ұқсас жаңалықтар