Сақтық шараларын орындау керек

Қоғам • 03 Шілде, 2020

Сақтық шараларын орындау керек

32 рет көрсетілді

Елімізде 5 шілдеден бастап 14 күнге карантиндік шаралар енгізілмек. Осы орайда, барша қазақстандық мемлекет бұл қадамға амалсыз барып отырғанын түсінуі керек. Әсіресе халықтың денсаулығын сақтап қалу, індетті одан әрі таратпау үшін мұндай шаралар қажет. Коронавирус пандемиясы бүгінде Қазақстандағы басты мәселеге айналды.

Egemen Qazaqstan

кінішке қарай, наурызда енгізілген Төтенше жағдай режімін алып, карантиндік шараларды жеңілдеткеннен кейін көпшілік сақтық шараларын естен шығарып алды. Өзіміздің денсаулығымызды қорғауға келгенде жауапсыздық танытып, әлеуметтік арақашықтық сақтауды, маска киіп, антисептик пайдалануды ұмыттық. Көптеген адам өздерінің вирус жұқтырғанын білместен, індеттің одан әрі басқаларға тарауына жол ашты. Ауыр халде жатқан отандастарымыз да көп. Тіпті кей отбасының бүкіл мүшесі де вирус жұқтырды. Ауруханалар аузы-мұрнына шыға толып, науқастарға орын жетпей жатыр.

Еліміздегі денсаулық сақтау саласы науқастарды емдеп, вируспен күресуге бар күш-жігерлерін жұмсап жатыр. Тағы бір өкініштісі, дәрігерлер де Covid-19 жұқтырған оқиғалар тіркелді. Мұның бәрі, әрине, денсаулық сақтау саласына үлкен күш түсіріп отыр.

Вирус ешкімді таңдамайды, лауазымға, байлыққа және билікке, жасқа, кәріге, әлеуметтік жағдайға қарамайды. Тіпті жағадан туған нәрестелердің де коронавируспен ауырған оқиға кезікті.

Сондықтан, бұл індеттің бәрімізге қатысты екенін, халықтың денсаулығын сақтап қалу үшін карантиндік талаптарды толық орындаудың маңызын түсінуіміз керек. Осындай заманда көптеген отандастарымыздың коронавирус кесірінен қайтыс болуы жүректі ауыртады. Бұл көрінбейтін індетпен күресу бәріміздің борышымыз. Сол үшін сақтық шараларын толық орындап, тас түйін жүруіміз қажет.

Ахмет МУРАДОВ,

Мәжіліс депутаты