Аймақтар • 04 Шілде, 2020

Тіркелмеген қару-жарақтан құтылған абзал

35 рет көрсетілді

Қазақстан Республикасының заңы бойынша тіркеуге алынбаған, заңсыз аң аулап жүргенде тәркіленген, сонымен бірге азаматтардың өз еркімен тапсырған қару-жарақтары жойылады. Жуырда Солтүстік Қазақстан полициясы осындай 724 қарудың көзін жойды, - деп жазады Egemen.kz

Оны жою үшін комиссия мүшелерінің көзінше акт жасалады және қарулар атуға жарамсыз болатындай етіп, арамен ұңғылары кесіледі.  Сосын саны анықталып, одан жәшікке салынып, аузын мөрлеп бекітіп, темір-терсек қорытатын пеші бар кәсіпорынға әкелінеді. Осы жерде барлық комиссия мүшелерінің көзінше қару-жарақтың темір бөліктері ерітіледі. Сөйтіп, 724 отты қару комиссия мүшелерінің көзінше кесек темірге айналдырылды. "Бұлардың бәрі заңсыз сақталған, сонымен бірге қылмысқа қолданылғаны үшін тәркіленген қару-жарақтар. Олардың көбі заңсыз аңшылыққа пайдаланылғаны үшін соттың шешімімен тәркіленді", дейді СҚО ПД Тылдыық қамсыздандыру басқармасының бастығы, полиция майоры Александр Терехов.

Сонымен бірге ол кейбір тұрғындардың үйлерінде қалған ескі қару-жарақты өз еріктерімен тапсыратынын да айтты. Мұндайлар аталарынан қалған ескі аңшылық мылтықтары болады екен. Ондайдың кейбірін балалары тығулы жатқан жерінен тауып алатын көрінеді.

Полицейлер тіркелмеген қару-жарақты сақтағаны үшін тартқызатын жауапкершіліктен оларды полицияға өз еркімен тапсыру ғана құтқаратынын тұрғындарға ескертіп жүр.  Үстіміздегі жылдың 1 шілдесінен бастап осындай акция басталып кеткен. Тіркелмеген қаруды тапсырғандар ақшалай сыйақы да алады. Мұндайды естіген облыс тұрғындары алғашқы үш күннің ішінде 31 қару тапсырған.

 

Солтүстік Қазақстан облысы

Соңғы жаңалықтар

Ұқсас жаңалықтар