Коронавирус • 06 Шілде, 2020

Пневмониямен ауырғанда тыныс алу жаттығуын жасауға бола ма

135 рет көрсетілді

Астана медицина университетінің жедел медициналық көмек, анестезиология және қарқынды терапия кафедрасының меңгерушісі Нұрила Малтабарова тыныс алу жаттығуының пайдасы мен зиянын түсіндірді, - деп хабарлайды Egemen.kz

Дәрігердің айтуынша, науқас қатты ауырып жатқанда тыныс алу жаттығуын жасауға болмайды және міндетті түрде дәрігерге жүгінген жөн.

"Тыныс алу гимнастикасы қалпына келтіру мен медициналық оңалту кезінде пайдалы, ол хаттамада бар. Бірақ, пациенттің жағдайы ауыр болса, тыныс алу гимнастикасын жасауға болмайды, мұндай жаттығу адам денсаулығын қиындатып жіберуі мүмкін. Науқас стационардан емделіп шыққаннан кейін, реабилитологтың ұсынысымен ғана жаттығу жасауы қажет", - деді Нұрила Малтабарова.

Сондай-ақ, мамандар иммунитет көтеретін дәрумендерді де байыппен ішуге кеңес береді.

"Дәрумендерге бай дұрыс тамақтану керек, стресстің алдын алып, спортпен шұғылданыңыз және барынша позитивті көңіл-күйді жүруге тырысыңыз. Дәрумені көп таңқурай, қарақат сынды жеміс-жидекті тұтыныңыз. Ал D және C дәруменін көзсіз көп ішуге болмайды. Мәселен, бұл дәрумендер балаға салмағына қарай тағайындалады”, - дейді Астана медицина университеті балалар инфекциялық аурулары кафедрасының меңгерушісі, дәрігер-инфекционист Баян Тұрдалина. 

Дәрігер-инфекционистің пікірінше, ииммунитетті көтеру үшін, әсіресе, күндізгі және түнгі ұйқының дұрыс болғаны жөн.

Соңғы жаңалықтар

Адасқан балалар аман-есен табылды

Аймақтар • 07 Тамыз, 2020

Ұқсас жаңалықтар