"Канело" Деревянченкоға жекпе-Жек өткізу туралы ұсыныс жасады

Спорт • 07 Шілде, 2020

"Канело" Деревянченкоға жекпе-Жек өткізу туралы ұсыныс жасады

361 рет көрсетілді

Орта салмақта өнер көрсететін укариналық боксшы Сергей Деревянченко (13-2, 10 КО) екі әлем чемпионымен жекпе-жек өткізу туралы ұсыныс алды, деп хабарлайды Boxingscene.com басылымы.

Уалихан ҚОСАНБАЕВ

Деревянченконың келесі қарсыласы WBA (Super) және WBC (Franchise) белбеулерінің иегері Сауль "Канело" Альварес немесе WBC тұжырымының чемпионы Джермалл Чарло болуы мүмкін. Аталған екі боксшы да бұрнағы күні украиналық боксшымен келіссөз жүргізіп жатыр.

Өткен аптада Чарлоның бапкері Ронни Шилдс тәлімгерінің WBC рейтингінде көш бастап келе жатқан Деревянченкомен кездескісі келетінін айтты. Негізі бұл кездесудің ұйымдастыру да оңай. Өйткені, екі боксшының да Элл Хэймонмен келісімшарты бар.

Ал танымал журналист Майк Копинджердің мәліметі бойынша, Альварес Деревянченкоға екінші орта салмақта кездесу ұйымдастыруды ұсыныпты.

"The Athletic дереккөздері Деревянченконың күзде Альварес немесе Чарлоға қарсы жұдырықтасатынын айтып жатыр. Украиналық боксшы "Канелодан" 12 қыркүйек күні жекпе-жек өткізу туралы ұсыныс алған. Одан бөлек, оның қолында Чарлодан да ұсыныс бар", - деп жазады Коипнджер.

Негізі Деревянченко 2019 жылдың күзінде Альвареспен кездесуі мүмкін еді. Украниалық боксшы IBF белбеуінің басты үміткері болған. Бірақ мексикалық боксшы белбеуінен бас тартты. Содан соң бос қалған бұл белбеуге Деревянченко мен Геннадий Головкин кездесіп, қазақстандық боксшы жеңіске жетті.

Алдағы кездесу үшін Сауль Альварестің командасы Деревянченкоға 2,6 миллион доллар сыйақы ұсынып отыр. Головкинге қарсы кездесуі үшін украиналық боксшы 5,2 миллион доллар алған еді. Сондықтан да қазір екі боксшының командасы сыйақы мәселесін шеше алмай жатыр.

Күннің маңызды және өзекті жаңалықтарын «Егемен Қазақстан» телеграм каналынан оқыңыз