Қазақстан • 09 Шілде, 2020

Еліміздің энергетикалық жүйесінің барлық зоналарында ілгерілеушілік бар

17 рет көрсетілді

Жүйелік оператордың деректері бойынша еліміздің электр стансалары 2020 жылғы қаңтар-мамыр аралығында 45 577,5 млн кВтсағ электр энергиясын өндірген, бұл 2019 жылдың дәл осындай кезеңінен 3,3%-ға көп. Артығымен өндіру Қазақстан Біртұтас энергетикалық жүйесінің (БЭЖ) барлық зоналарында байқалды, деп хабарлайды Egemen.kz

2020 жылғы бес айда генерациямен байланыстырылған электр энергиясын өндіру 22,5 млрд кВтсағатты құрады, бұл 2019 жылдың осындай кезеңімен барабар (22,8 млрд кВтс). Сонымен бірге, 2019 жылғы қаңтар-мамырмен салыстырғанда байланыстырылған генерацияның үлесі кіші-гірім өсіп, елімізде өндірілген электр энергиясының жалпы көлемінің 49,6%-ын құрады.

«Самұрық-Энерго» АҚ-ның энергия өндіретін ұйымдары 2020 жылғы қаңтар-мамырда өндірген электр энергиясының көлемі 12 225,7 млн кВтсағатты құрады немесе 2019 жылғы осындай кезеңнің көрсеткіштерімен салыстырғанда 7%-ға ұлғайды.

Жүйелік оператордың деректерінше, өткен жылғы осындай кезеңнің көрсеткіштерімен салыстырғанда 2020 жылғы қаңтар-мамырда республиканың электр энергиясын пайдалану динамикасында 2% өсім байқалды. Мәселен, республиканың солтүстік зонасында тұтыну 2%-ға, батыс зонасында 5%-ға және оңтүстік зонасында 1%-ға өскен.

Статистика жөніндегі комитеттің ақпаратынша, 2020 жылғы қаңтар-мамыр аралығында Қазақстанда 44 951,9 мың тонна тас көмір өндірілген, бұл 2019 жылғы осындай кезеңнен 2%-ға жоғары (43 874,7 мың тонна).

«Самұрық-Энерго» АҚ мен ресейлік «РусАЛ» БК тең негізде басқаратын, көмір өндіруші «Богатырь Көмір» ЖШС 2020 жылғы қаңтар-мамырда 19 428 мың тонна көмір өндірді, бұл 2019 жылдың осындай кезеңіне қарағанда 6%-ға көп (18 328 мың тонна). Осы кезең ішінде 19 498 мың тонна көмір сатылды, соның ішінде:

- Қазақстанішкі нарығына 15 151 мың тонна, бұл 2019 жылдың осындай кезеңіне қарағанда 8,8%-ға көп (13 923 мың тонна);

- экспортқа (РФ) – 4 346 мың тонна, бұл 2019 жылдың осындай кезеңіне қарағанда 1,8%-ға көп (4 271 мың тонна).

ЖЭК-терді пайдаланатын нысандар (КЭС, ЖЭС, БГС, шағын СЭС-тер) 2020 жылғы қаңтар-мамырда өндірген электр энергиясының көлемі 1 170,2 млн кВтсағатты құрады. 2019 жылдың 5 айымен салыстырғанда (643,5 млн кВтсағ.) өсім 81,8%-ды құрады.

Осы жылдың бес айында БГҚ-лардың және шағын СЭС-тердің электр энергиясын өндіруі төмендегені байқалады, ал ЖЭС және КЭС нысандарының электр энергиясын өндіруі артқан.  

«Самұрық-Энерго» АҚ-ның жаңартылатын энергия көздері (ЖЭК) нысандары (КЭС, ЖЭС, шағын СЭС-тер) 2020 жылғы қаңтар-мамырда өндірген электр энергиясының көлемі 143,5 млн кВтсағатты немесе ЖЭК нысандары өндірген электр энергиясының жалпы көлемінің 12,3%-ін құрады, бұл 2019 жылғы осындай кезеңмен салыстырғанда 9,1%-ке жоғары («Самұрық-Энерго» холдингіне қарасты компаниялардың 2019 жылғы қаңтар-мамырда өндірген ЖЭК көлемі 131,5 млн кВтсағатты, ал холдингтің ЖЭК-тегі үлесі 20,4%-ды құрады).

«Самұрық-Энерго» АҚ-ның ЖЭК нысандарында электр энегиясын өндірудің төмендеуіне себеп – ҚР ЖЭК-тің жаңа қуат көздерін іске қосу.

Соңғы жаңалықтар

«Қатарыңның алды бол!»

Сұхбат • Бүгін, 08:11

Аналарды ардақтаған аудан

Оқиға • Бүгін, 08:05

Жол бойын жайлаған жайсыздық

Аймақтар • Бүгін, 08:01

Көмек көптік етпейді

Аймақтар • Бүгін, 07:51

Өткеннен – өнеге

Таным • Бүгін, 07:46

Жауынгер тағдыры

Тарих • Бүгін, 07:40

Айтылған ескертуді елер емес

Аймақтар • Бүгін, 07:18

Бар ойы еліне еңбегін сіңіру

Руханият • Бүгін, 07:15

Көктегі өзен

Руханият • Бүгін, 07:10

Бисеновтер тағдыры

Руханият • Бүгін, 06:57

Бес баланы құтқарды

Оқиға • Бүгін, 06:54

Мақсаты биік Мақсат

Аймақтар • Бүгін, 06:53

Сұңғыла сыры (Эссе)

Руханият • Бүгін, 06:50

Аты аңызға айналған адам

Таным • Бүгін, 06:48

Ұқсас жаңалықтар