Қоғам • 10 Шілде, 2020

Жағдайды тұрақтандыруға күш салып жатыр

21 рет көрсетілді

Соңғы аптада Шымкент қа­ласында ЖРВИ-мен қа­тар пневмония індеті асқы­нып кетті. Салдарынан ша­һар­дағы ауруханаларда нау­қастар шамадан тыс артты. Ал дәріханаларда дәрі-дәр­мек тапшылығы орын ал­ды. Жанына шипа іздеген тұр­ғындар үлкенді-кішілі дәрі­ха­на алдында ұзын-сонар кезекке тұрды. Міне, осы төтенше жағдай кезінде бағаның күрт өсіп кетуінің алдын алу мақ­сатында қала әкімі Мұрат Әйтеновтің төрағалығымен шұғыл топ құрылды.

Аталған топ қаладағы дәрі-дәр­мек бағасының тұрақтылығын бақылауға көшіп, бірқатар дәріха­наның бағаны заңсыз көтергенін анықтады. Атқа­рылған жұмыстар туралы қала әкімі Мұрат Дүйсен­бекұлы тікелей эфир арқылы тұр­ғын­дарға есеп берді.

Бүгінгі жағдай бойынша қалада коронавирус жұқтырған 3 596 азамат тіркеліп, 2097 науқас емделіп шықты. Шаһар басшысының айтуынша, 1 маусымда 867 корона­вирус жұқтырған азамат тір­кел­се, 1 маусым мен 7 шілде ара­лы­ғында 2729 жағдай тіркелді. Яғни науқастар саны күрт артты.

Маусым айының басында жұқ­­­­па­лы ауруханаларда төсек­тік орын қоры 490 болған. Ал мау­­сым­ның соңына дейін қосым­ша 160 тө­сектік орын ұйым­дасты­рылып, нәти­жесінде төсектік орын қоры 650-ге жетті. Онда 1 мау­­сым мен 7 шіл­де аралығында 1640 науқас жат­­қызылды. Оның ішінде 1276 – коронавирус жұқ­тыр­ғандар.

Шымкентте елімізде алғаш бо­­лып пневмония және ЖРВИ-мен ауыр­ғандарға 633 төсектік орын ұйым­дастырылды. Бұл жө­­нінде баспасөз мәслихатында қала әкімі Мұрат Әйте­нов мәлім­деді. Шаһарда республикада ал­ғаш­қылардың бірі болып, осы жыл­дың 25 маусымында 51 емханада ЖРВИ мен пневмония­мен ауырған науқастарға 633 төсектік орын ұйымдастырылды. Оның ішінде 319-ы мемлекеттік бірінші медико-санитарлық кө­мек ұйымдарында, 314-і жеке ұйым­дарда ашылды. Күні­не орта есеппен 2 мың науқас қам­тылуда. Бүгінге дейін 2753 нау­қас емделіп шыққан.

 

250 «Бобров» тыныс алу аппараты мен 10 монитор...

Қала әкімінің айтуынша, шаһар­дағы медициналық қажетті техникалар қоры жет­кілікті. Осы­ған орай аурухана­ларды материалдық құрал-жаб­дық­тар­мен қамту ісі де қолға алынды. Аса қажет деген құралдар кезең-кезеңімен жет­кізілуде.

«Қалада медициналық меке­ме­лерде 323 ИВЛ аппараты бар, оның 130-ы – портативті аппарат. Сонымен қатар 250 «Бобров» тыныс алу аппараты және 10 монитор алынды», деді М. Әйтенов.

Қалалық әкімдіктің резервінен коронавирусқа қарсы шараларға 1,8 млрд теңге бөлінді. Оның 854 млн теңгесі материалдық-тех­никалық базаны күшейтуге бағыт­талған.

Қазіргі таңда 6 ауруханада ар­­­­найы оттегі стансалары ор­­на­­ты­луда. 21 ИВЛ аппараты алы­нып, жақын арада қойылады. Бұған қоса қалалық бюджетті оң­тайландыру жұмыстары жүргі­зілуде. Қосымша ИВЛ, басқа да құрал-жабдықтар, дәрі-дәрмектер сатып алуға 5 млрд теңге қаржы бағыттау жоспарланды. Сонымен қатар медицина саласының қыз­меткерлерін қолдау шаралары да қарастырылған.

Медицина қызметкерлерінің КВИ-мен ауырған 569 жағдайы тір­келген. Оның 129-ы Түркістан об­лысының ме­дицина қызметкерлері (143 дәрігер, 258 медбике, 128 басқа персонал). Жал­пы жағдайдағы үлесі – 15,8 пайыз.

Медицина қызметкерлерін қол­­дау мақсатында 2 764 медици­на қыз­­меткеріне 780 млн теңге ең­бек­ақыларына үстемеақы тө­лен­ді. Сондай-ақ халық қоры және де­меу­­шілердің есебінен 935 медицина қызметкеріне 42,4 млн теңгеге мате­риалдық көмек көрсетілді.

Жұқпалы ауруханаларда нау­қас­тармен тығыз байланыста жүр­ген 336 дәрігерді қонақүйлерге жай­­ғастырып, тамақпен қам­тып, жұмысқа қатынауы ұйымдас­ты­рылды.

М. Әйтенов эпидемиялық жағ­дайға байланысты 1 шілдеден бас­тап 20 шілдеге дейін қалада қай­тадан карантин енгізілгенін атап өтіп, барша шымкенттіктерді бұл шектеу шараларына тү­­сі­­ністікпен қарап, осын­дай қиын кезеңде дүр­белеңге салынбай, сақтық шараларын қатаң ұс­та­нуға шақырды.

 

Заңсыз дәрі-дәрмек сақтағандар жауапқа тартылады

Бүгінде қалада 10 ірі көтерме дәрі-дәрмек және медициналық құ­рал-жабдық жеткізіп беруші мекемелер жұмыс істеп жатыр. Бұл туралы атал­ған брифингте қала басшысы мәлім­деді.

«Тіркелген 730 дәріхананың 560-сы жұмыс істейді. Бүгінгі таңда қалада бір айлық дәрі-дәр­мек қоры бар. Оның ішінде дене қызуын төмендететін 115 843 препарат, вирусқа қарсы 136 352 препарат және 133 040 антибиотик бар. 44 253 қорап «С витаминдері» бар. Шымкент қаласының тауарлар мен көрсетілген қызметтердің сапасы мен қауіпсіздігін бақылау де­партаментінің аудандық бас­қармаларымен бірлесіп, 4 мо­ни­­торингтік топ құрылған. Мони­торинг барысында дәрі бағасын негізсіз өсіргендерге әкімшілік шаралар қолданылатыны ес­кертілді. Дәріханада жоқ дәрілер­дің орнына баламаларын ұсыну да ескертілген», деді Мұрат Дүй­сенбекұлы.

Сонымен қатар полиция депар­та­менті Әлімқұлов көшесінен заң­сыз дәрі-дәрмек және медицина құ­ралдарын сақтау жағдайын анық­­тады. Аталған факті бойынша қылмыстық іс қозғалған.

 

Пневмониядан жазылып шыққандардың қатары көп

Осы жылдың маусым айының басынан бері ЖРВИ-мен, пневмониямен ауырғандар бойын­ша Шымкент қаласында 3 про­ви­зорлық стационарда 320 тө­сек­тік орын ашыл­ған болатын. Ал 15-30 маусым ара­лығында 23 про­визорлық ста­цио­нарда 2 960 төсектік орын ұйымдас­тырылған.

Бүгінгі таңда 26 мемлекеттік жә­не жеке нысандарда 3010 про­ви­­зорлық төсектік орын жұмыс істеп тұр.

«Бірінші маусымнан бас­тап 6340 пневмониямен сырқат­та­ну­шылық тіркелді. Оның 6060 немесе 95,6 па­йызы ауруханаға жат­­­қызылды. Олар­дың 60 пайызы немесе 3639 нау­қас емделіп шық­ты», дейді қа­зіргі жағдайға тоқ­талған қала әкімі.

Айта кетерлігі, Шымкентте осы жыл­­дың 1 маусымынан бас­тап ЖРВИ-мен сырқаттану бо­йынша 11 891 жағ­­дай тіркелген. Оның ішінде 535-і ау­ру­ханаға жат­қызылып, 460 нау­­қас емделіп шыққан.

Соңғы жаңалықтар

«Қатарыңның алды бол!»

Сұхбат • Бүгін, 08:11

Аналарды ардақтаған аудан

Оқиға • Бүгін, 08:05

Жол бойын жайлаған жайсыздық

Аймақтар • Бүгін, 08:01

Көмек көптік етпейді

Аймақтар • Бүгін, 07:51

Өткеннен – өнеге

Таным • Бүгін, 07:46

Жауынгер тағдыры

Тарих • Бүгін, 07:40

Айтылған ескертуді елер емес

Аймақтар • Бүгін, 07:18

Бар ойы еліне еңбегін сіңіру

Руханият • Бүгін, 07:15

Көктегі өзен

Руханият • Бүгін, 07:10

Бисеновтер тағдыры

Руханият • Бүгін, 06:57

Бес баланы құтқарды

Оқиға • Бүгін, 06:54

Мақсаты биік Мақсат

Аймақтар • Бүгін, 06:53

Сұңғыла сыры (Эссе)

Руханият • Бүгін, 06:50

Аты аңызға айналған адам

Таным • Бүгін, 06:48

Ұқсас жаңалықтар