Абай Құнанбайұлының 175 жылдық мерейтойына орай Шымкент қаласында шығарылған үлкен кітап ақынның туған жері - Шыңғыстауға әкелінді.
2020 жылғы Қазақстанның Гиннесс рекордтар кітабына енген алып кітаптың көлемі - 122 х 90 см. 24 беттен тұратын кітаптың салмағы - 27 келі. «Абайдың қара сөздері» деп аталатын кітапты Абай ауданына Шымкент қаласындағы №1 жалпы орта кешкі мектебінің директоры Исақ Асанов бастаған қонақтар арнайы алып келіп, салтанатты түрде табыс етті. Алыстан ат арытып келген меймандар аудан орталығындағы ұлы Абай ескерткішіне тағзым етіп, гүл шоқтарын қойды. Өз кезегінде игі істің бастамашысы болған И.Асановқа Абай елі атынан сый-құрмет көрсетілді.
Шығыс Қазақстан облысы,
Абай ауданы
