Көрші ел бұл мәселені 90-жылдар аяғында жоспарлап, 2000-шы жылы оның бірінші кезеңі іске асқан. Ал, жақында соңғы навигациялық спутникті ұшырып, аталмыш жүйені толық жасақтап бітті.
Жүйенің ғаламдық қамтылуы да көңіл көншітерлік. Былтырғы жылдың аяғында ғана қытайлық смартфондардың 70 пайызы Beidou арқылы жұмыс істеген. Сонымен қатар жүйенің картографиялық технологиясын пайдалану үшін жүзден аса әріптес компаниялар ниет білдірген.
2013 жылдан Қытайдың көлік министрлігі жүк таситын автомобильдер мен автобустары осы жүйені қолдана бастаған. Бұл Қытайда АҚШ-пен ғаламдық текетірес бола қалған жағдайда GPS навигациялық жүйесіне тәуелді болмаудың мүмкіндігі туғанын көрсетіп отыр.
