"Шанхай ынтымақтастық ұйымы Хатшылығының көпұлтты ұжымы атынан және өз атымнан елдегі Ұлттық аза күніне байланысты Қазақстан халқына шын жүректен көңіл айтамын.
Шанхай ынтымақтастық ұйымы Қазақстан халқымен ынтымақтастықта және "Шанхай рухын" ұстана отырып, ынтымақтастықты жандандыруға, жалпы қатерді болдырмау мақсатында пандемияға қарсы іс-қимылда Қазақстанға жәрдем көрсетуге бағытталған барлық қажетті шараларды қабылдауға дайын.
Қазақстан осы сынақты жеңе алатынына және індеттің таралуы тоқтайтынына нық сенім білдіреміз", - деп атап өтті ШЫҰ бас хатшысы Владимир Норов.
Шанхай ынтымақтастық ұйымы - бұл тұрақты үкіметаралық халықаралық ұйым, оны 2001 жылы 15 маусымда Шанхайда Қазақстан, Қытай, Қырғызстан, Ресей, Тәжікстан және Өзбекстан елдері құрды. 2017 жылдың маусымында Үндістан мен Пәкістанға Ұйымға мүше мемлекет мәртебесі берілді.
