Әлем • 13 Шілде, 2020

Түркияда тұратын қандастардың медицина жабдықтарын Қазақстанға жібере алмай жатқаны шындыққа жанаспайды

35 рет көрсетілді

Түркиядағы қазақ диаспорасы қаражатынан алынған медициналық бұйым мен жабдықтардың екі аптадан бері Қазақстанға жіберілмей жатқандығы жөніндегі ақпарат шындыққа жанаспайды, деп жазады Egemen.kz ҚР СІМ баспасөз қызметіне сілтеме жасап

"Әлеуметтік желілерде Түркиядағы қазақ диаспорасы қаражатынан сатып алынған медициналық мақсаттағы бұйымдар мен медициналық жабдықтардың екі аптадан астам уақыт ішінде Қазақстанға жіберілмей жатқандығы туралы ақпарат шындыққа жанаспайды. Сонымен қатар, Үкімет бұл жүкті Қазақстанға жеткізуге көмек көрсетуді әдейі созып отыр деген ақпарат негізсіз. Осыған орай, Қазақстан Республикасының Сыртқы істер министрлігі Анкара мен Ыстанбұл қалаларынан Түркия үкіметінен ресми гуманитарлық көмекті, Түрік қазақтары қауымдастығы (KATEAD) мен Қазақстан азаматтарының бастамашыл тобы сатып алған жүкті елімізге жеткізуді пысықтап жатқандығын хабарлаймыз", делінген министрліктің Telegram-дағы парақшасында.

Бұл жүктерді жеткізудің жалпы үйлестіру жұмыстарын Қазақстанның Түркиядағы Елшілігі жүзеге асырады. Сондай-ақ, осы ынтымақтастық туралы ақпаратты KATEAD сайтында жариялады.

"Жүктерді авиакомпаниямен Анкара-Алматы бағыты бойынша жеткізу ағымдағы жылдың 14 шілдесіне жоспарланған. Осы ретте жалған немесе тексерілмеген ақпаратты таратпауды сұраймыз", делінген хабарламада.

Соңғы жаңалықтар

Шаштан шахмат тасын жонады

Таным • Бүгін, 07:44

Онлайн-сөреде – ойлы кітаптар

Руханият • Бүгін, 07:42

Дәрігерлерге көлік сыйлады

Оқиға • Бүгін, 07:17

Соңғы пациент үйіне қайтты

Қоғам • Бүгін, 07:05

Жамантауды жоғалтып алмайық

Руханият • Бүгін, 06:50

Сенат депутаттары сайланды

Сайлау • Бүгін, 06:48

Әдепті әдемі ұстаз

Руханият • Бүгін, 06:47

Ұқсас жаңалықтар