Комиссия жұмысының қорытындысы бойынша Белоруссия президенті лауазымына күресті республиканың қазіргі басшысы Александр Лукашенко, экс-депутат Анна Канопацкая, "Говори правду" қозғалысының көшбасшысы Андрей Дмитриев, блогер Сергей Тихановскийдің жұбайы Светлана Тихановская, сондай-ақ "Белоруссиялық социал-демократиялық Грамада" партиясының төрағасы Сергей Черечень жалғастырады. Бұл ретте, қолдаушыларының жеткіліксіз болуына байланысты Президенттің экс-көмекшісі Валерия Цепкало, сондай-ақ бұрынғы Белгазпромбанктің басшысы Виктор Бабарикоға шет мемлекеттер мен ұйымдардың табысы және оның науқанын қаржыландырудағы көмегі туралы декларацияның сәйкес келмеуіне байланысты тіркеуден бас тартылды.
Естеріңізге сала кетейік, Белоруссия Президентінің сайлауы 9 тамызда өтеді. Президенттікке кандидаттарда сайлау алдындағы үгіт жүргізу үшін бір айдан аз уақыт болады. Бұл ретте соңғы айларда елде жаппай наразылық акциялары өтіп, 700-ден астам адам ұсталды. Олардың бір бөлігі әлі күнге дейін қамауда.
