Әлем • 15 Шілде, 2020

Филадельфияда көпшілік іс-шараларға 2021 жылға дейін тыйым салынды

10 рет көрсетілді

Пенсильвания штаты, Филадельфия қаласының билігі індеттің жаппай өршуіне байланысты 2021 жылдың 28 ақпанына дейін бұқаралық іс-шараларды өткізуге тыйым салды. Бұл туралы қала мэрі Джим Кенни мәлімдейді, деп жазады Egemen.kz

"Өкінішке қарай, қоғамдық денсаулық сақтау саласындағы дағдарыстың салдарынан 2021 жылдың 28 ақпанына дейін ірі қоғамдық іс-шараларды өткізбейтінімізді растаймын. Мұндай шешім қабылдау оңай болмады. Алайда, қала тұрғындарының, жұмысшылар мен туристердің денсаулығы мен қауіпсіздігі біз үшін алдыңғы орында тұруы тиіс", деп мәлімдеді Кенни өзінің Twitter парақшасында.

Қала мэрінің айтуынша, 50-ден астам адамның қатысуымен өтетін іс-шараларға, соның ішінде фестивальдерге, шерулерге, концерттерге, карнавалдарға, жәрмеңкелерге және базарларда шоғырлануына қатаң түрде сақтық шаралары қолданылады.

Сондай-ақ ашық аспан аясында өтетін іс-шараларға қатысты қолданылмайтыны айтылды.

Джонс Хопкинс Университетінің мәліметтері бойынша, АҚШ-та коронавирустың 3,4 миллионға жуық дерегі тіркелген, оның 136 мыңнан астамы бақилық болды.

Соңғы жаңалықтар

Ұстаз жолы

Руханият • Бүгін, 16:00

Ұқсас жаңалықтар