![Елорда тәртіп сақшылары карантиндік шараларды қатаңдатты](/media/2020/07/15/9a76479b361344a29f3618b40bd25176.jpg)
"Полицияға түнде белгісіз біреулер Сарайшық көшесінде 50-ге жуық адам жиналған кеш өткізгені туралы хабарлаған. Тексеру барысында полицейлер 28 жастағы қала тұрғынының жабық кеш ұйымдастырғаны анықталды", деп хабарлады Нұр-Сұлтан қалалық полиция департаментінің баспасөз қызметі.
Жағдайды түсіндіру үшін бәрі Есіл аудандық полиция басқармасына жеткізілді. Тексеру нәтижесі бойынша 42 адам темекі бұйымдары мен электронды темекіні қоғамдық орындарда пайдалануға тыйым салуды, тыныштықты бұзғаны, алкоголь ішімдіктерін тұтынғаны үшін, бір адам – Қазақстанда тіркеусіз немесе жеке басын куәландыратын құжаттарсыз тұрғаны үшін жауапқа тартылды.
"Аталған факті бойынша түсініктеме берген кештің ұйымдастырушысы полицияға өзінің бұрын санитарлық-эпидемиялық нормаларды бұзғаны үшін қызметі тоқтатылған елордалық кафелердің бірінде жұмыс істегенін түсіндірді. Сондықтан ол коттеджді жалға алып, жабық кеш өтетін орынның мекен-жайын әлеуметтік желі арқылы алдын-ала хабарлап, келушілерді қабылдаған", деді полиция қызметкерлері.
Тұрғындардың санитарлық-эпидемиялық қауіпсіздігін сақтау туралы заңнама талаптарын, сондай-ақ гигиена стандарттарын бұзғаны үшін жалға алушыға қатысты жиналған материалдар процессуалдық шешім қабылдауға тауарлар мен көрсетілетін қызметтердің сапасы мен қауіпсіздігін бақылау басқармасына жіберілді.
Ал полиция мен Нұр-Сұлтан әкімдігінің өкілдері 20:00-ден кейін елорданың ойын-сауық нысандарына бірлескен рейд жүргізді. Тексерулер көрсеткендей, қатаң карантиндік шектеу шаралары енгізілгеніне қарамастан, кейбір мекемелер жұмысын жалғастырғаны анықталды.
Карантиннің бұзылуының барлық фактілері бойынша материалдар аталған мекемелердің иелерін жауапқа тарту үшін тауарлар мен көрсетілетін қызметтердің сапасы мен қауіпсіздігін бақылау басқармасына тапсырылды.
Нұр-Сұлтан қалалық полиция департаменті азаматтарды қоғамдық орындарда жауапкершілік танытып, санитария нормаларын сақтауға, сондай-ақ карантин шаралары кезінде полиция қызметкерлерінің талаптарына түсіністік танытуға шақырады.
Індеттің таралуының алдын алу мақсатында полиция карантин режімін сақтау және жеке қорғаныс құралдарын пайдалану қажеті туралы тұрғындармен профилактикалық сұхбат жүргізеді. Мұндай әңгімелесулер азаматтарды маска тағу тәртібін сақтауға мәжбүрлеу шараларын қолданудан гөрі тиімдірек.
Сонымен қатар полиция ойын-сауық, қоғамдық тамақтану орындары, моншалар, сауналар, аттракциондарға барып, олардың иелеріне қолданыстағы карантин шаралары туралы ескертеді. Құқық бұзушылар қолданыстағы заңнамаға сәйкес жауапқа тартылады.
![](/media/2020/07/15/007a846ec752837569104f8a8b664696.jpg)