Оқиға • 16 Шілде, 2020

Алматы облысында алаяқ үш жылға сотталды

366 рет
көрсетілді
1 мин
оқу үшін

Алматы облысында алаяқ үш жылға сотталды, деп хабарлайды Egemen.kz

Алматы облысында алаяқ үш жылға сотталды

Бұған дейін Алматы облысының тумасы ақпан айында алаяқтық әрекеті үшін уақытша ұстау изоляторына қамалған еді. 1958 жылы дүниеге келген ер адам өзін жылу желілерін орнату шебері ретінде таныстырып, оған жүгінген адамдардың ақшасын иемденіп қашып кеткен.

Оның құқық бұзушылық әрекеттерінен бір ғана емес, онға жуық адам зардап шеккен көрінеді. Алаяқ үшті-күйлі жоқ болып кеткендіктен, полиция өкілдері іздестіру жұмыстарын қатаңдата түсті. Ақыр-соңында қашқынды қолға түсіріп, ағымдағы жылдың 6 ақпанында бірден қамауға алды.

Талдықорған ҚІІБ-ның тергеушісі барлық қажетті тергеу әрекеттерін жүргізіп, істі соттың қарауына жіберді. Сот процесі барысында ер адам өзінің кінәсін толығымен мойындап, шын мәнінде алаяқтық жасағанын айтты. Сот тергеуінде ұрланған ақшаны өз қажеттілігіне жұмсағаны анықталды.

Жуырда Талдықорған қалалық сотында ҚР ҚК-нің 190-бабы 3-бөлігінің 1-тармағында көзделген қылмысты жасағаны үшін кінәлі деп танылған ер адамға қатысты үкім жарияланды. Сот оған орташа қауіпсіз қылмыстық-атқару жүйесі мекемесінде жазасын өтей отырып, үш жыл мерзімге бас бостандығынан айыру жазасын тағайындады.