Соңғы кездері зейнеткер Сапар Бектұровқа "қызымның жағдайын қайтсем жеңілдетемін" деген ой маза бермей қойды. Көп түндері ұйқысыз өтті. Ақыры өзі 30 жылға жуық қызмет еткен құқық қорғау саласындағы әріптестеріне өтініш білдіріп, көмек сұрап көрмекке бекініп, Қостанай ауданы полиция бөлімінің бастығы Мұхтар Жайлаубековке хат жолдап, қызына арба алып беруді өтінген.
Көп кешікпей аудандық полиция бөлімінің ұжымы Қостанай облысының ардагерлер кеңесімен бірлесіп, Мәрияға мүгедектер арбасын тарту етті. Осыдан кейін мүмкіндігі шектеулі қызға аулаға шығуға, таза ауада серуендеуге мүмкіндік туды.
- Тәртіп сақшыларына алғысым шексіз. Өтінішімді жерге қалдырмады. Полиция қатарында осындай қайырымды, асыл азаматтардың бар екені қуантады, - деді ішкі істер органдарының құрметті ардагері Сапар Бектұров.
