![Әлемдік доданың күнтізбесі жарияланды](/media/2020/07/17/qatar-675x420.jpg)
Турнирдің шымылдық ашар матчы 2022 жылдың 21 қарашасына жоспарланған. Бұл күні Қатар құрамасы 60 мың жанкүйер сыятын «Әл Бейт» стадионында жаһан біріншілігін бастап береді. Топтық кезең бәсекелері 2 желтоқсанға дейін созылады. Матчтар Қазақстан уақыты бойынша сағат 16:00, 19:00, 22:00 және 01:00-де басталады. Топтық кезеңнің соңғы ойындары мен плей-офф кездесулері сағат 21:00 және 01:00-де басталады.
Ал 1/8 финал бәсекелері 3-6 желтоқсанға жоспарланған. Ширек финал – 9-10 желтоқсанда, жартылай финал – 13-14 желтоқсанда және 3-орын үшін өтетін матч 17 желтоқсанда ойналады. Финалдық кездесу 18 желтоқсанда Лусаил қаласындағы 80 мың көрермен сыятын стадионда өтеді. Финал Нұр-Сұлтан уақыты бойынша 21:00-де басталады.