"Биылғы 15 маусымда "Атырау облысының туристік логотипін жасау" жөніндегі мемлекеттік сатып алу бойынша ашық конкурс жарияланды. Конкурстың бірінші кезеңінде қатысушы болмады. "Мемлекеттік сатып алу" Заңына сәйкес 14 шілдеде екінші рет ашық конкурс тәсілімен жарияланды. Бұл конкурс бойынша өңірдің туристік логотипі электронды түрде жасақталуы тиіс еді. Онлайн режимінде жүргізілетін сұраныстан соң, логотип таңдалып, сараптамалық комиссия қарауына ұсынылатыны жоспарланды" -деп хабарлады өңірлік коммуникациялар қызметі.
Дегенмен, облыстық кәсіпкерлік және индустриялық-инновациялық даму басқармасы бұл конкурсты өткізуден бас тартты. Мұны өңірдегі эпидемиологиялық ахуалдың күрделенуімен байланыстырып отыр. Енді туристік логотипті жасауға бөлінген 3,7 млн бюджетке қайтарылатын болды.
