Әлем • 18 Шілде, 2020

Ерекше электрондық маска

603 рет көрсетілді

LG компаниясы Сеул университетімен бірлесе отырып патенттелген технология негізінде ерекше маска жасап шығарды. Электрондық құрылғы ретіндегі маска өзінен өтетін ауаны арнайы фильтр арқылы тазартып тұрады, - деп хабарлайды Egemen.kz

Бұл күні бойы маска шешпей жұмыс істейтіндерге, яғни дәрігерлерге ауадай қажет дүние болып тұр. Ресми таныстырылымы болмаса да осындай масканың 2000 данасы Сеул қаласындағы Северанс ауруханасына сыйға тартылған.

Ауа тазартатын PuriCare LG принципімен жұмыс істейтін құрылғыда H13 деп аталатын ауыстыруға болатын екі HEPA-фильтр сырттан вирусты өткізбейді. Фильтр астында ауа ағынын реттеп тұратын желдеткіш орналасқан. Арнайы алгоритм бойынша адам ішке дем алған кезде сырттан ауа көбірек кіреді. Маскада дем алып және шығарған кездегі қысымды датчик өлшеп, сол арқылы ішке дем алғанда желдеткіш қосылып, дем шыққанда ол тоқтайды.

Маска пластиктен жасалғанмен, ішкі жағы жұмсақ силиконмен қапталған. Бұл оны таңнан кешке дейін тағып жүргенде жайлы болу үшін жасалған. Құрылғының салмағы бар болғаны 120 грамм. Желдеткіш 8 сағатқа жететін аккумулятор арқылы жұмыс істейді. Құрылғыдағы екі фильтрді тек бір айдан соң ғана ауыстыру қажет болады.

Соңғы жаңалықтар

Шәміл

Тарих • Кеше

ZOOM акциялары қымбаттады

Технология • Кеше

Ұқсас жаңалықтар