Футбол • 20 Шілде, 2020

Испания чемпионы анықталды

16 рет көрсетілді

Испания Ла Лигасының 37-тур матч­тарынан кейін ел чемпионатында топ жарған команда белгілі болды. Өз алаңында «Вильярреал» клубын қабылдаған Мадридтің «Реал» командасы 2:1 есебімен жеңіске жетіп қана қоймай, біріншілік аяқталуына бір тур қалғанда Испания чемпионы атанды.

Бұл Корольдік клубтың тарихтағы 34-ші, бас бапкер Зидан басшылығындағы екінші жеңісі. «Вильярреалға» қарсы өткен кездесуде «Реал» шабуылшысы Карим Бензема 29 және 77-минутта дубль авторы атанды. Ал қонақтардан 83-минутта Висенте Иборра бір голмен жауап қайтарды. «Реалдың» биылғы мау­сымда чемпион атануы Бенземаның көп еңбегі сіңді. Франциялық футболшы бір маусымда 21 мәрте мергендігімен көзге түссе, 8 мәрте әріптестерінің гол соғуына мүмкіндік жасады.

Чемпиондық бәсекеде «Реалдың» не­гізгі қарсыласы саналған «Барселона» «Камп Ноу» стадионында күтпеген жерде «Оса­суна» клубынан 2:1 есебімен жеңіліп қалды. Бұл жеңілістен соң Сетьен командасы 79 ұпаймен 2-орында қалып қойды.

Еске сала кетейік, «Реал» клубы соңғы рет Испания чемпионатында 2016/2017 жылғы маусымда жеңіске жеткен еді.

 

Соңғы жаңалықтар

Ұлттық үрдістер үзілмейді

Қазақстан • Кеше

Пневмониядан 1 науқас қайтыс болды

Коронавирус • 10 Сәуір, 2021

Ұқсас жаңалықтар