Аймақтар • 21 Шілде, 2020

Алматыда жерлеу бағасын көтерген зират қызметкерлері құрықталды

31 рет көрсетілді

Полицияға сегіз адам хабарласып, зират жұмысшыларына қатысты ресми мәлімдемелер жасады. Бұл туралы Polisia.kz-ке сілтеме жасай отырып Egemen.kz хабарлайды.

Арызданушылардың айтуынша, олар жерлеу қызметтері үшін қосымша ақы төлеуге мәжбүр болған. Сондай-ақ оларды белгіленген құнға қосымша 70-тен 80 мың теңгеге дейін төлеуге мәжбүрлеген.

ІІМ басшылығы тапсырмасын орындау мақсатында, белгіленген мөлшерден басқа, марқұмның туыстарынан қайтыс болған адамдарды жерлеу қызметі үшін қосымша қаражат алудың заңсыз әрекеттерін болдырмау үшін арнайы тергеу-жедел топтары құрылды.

Түбіртектер берілмеген, ақшаны зират кәсіпорнының қызметкерлері заңсыз пайдаланған. Жақын адамдарынан айырылып, қайғы-қасіретті бастан кешіргендер тек материалдық қана емес, моральдық тұрғыда да зардап шекті.

Қабылданған шаралар нәтижесінде полиция қызметкерлері өз іс-әрекеттерін мойындаған екі азаматты анықтап, қамауға алды. Қазіргі уақытта жәбірленушілер мен күдіктілердің қатысуымен қажетті тергеу шаралары жүргізілуде. Әрбір кінәлі адамның іс-әрекетіне жеке құқықтық баға беріледі. Сонымен қатар жерлеу рәсімінде заңсыз бопсалаудың алдын алу үшін басқа жерлеу орындары да тексеріледі.


Соңғы жаңалықтар

Теріскейдің Самалы

Руханият • Кеше

Ұқсас жаңалықтар