Атырауда АН-12 ұшағы неге түтіндеді?

Осыған орай Атырау халықаралық  әуежайының инженерлік-авиациялық қызметінің бастығы Андрей Ким түсінік берді. Оның мәліметінше, кеше түстен кейін әуежайдан АН-12 жүк ұшағы ұшыпты.

"Ұшу режимінде қоспаның әдеттегі байытылуы орын алады. Соның нәтижесінде шығарынды пайда болады. Бұл – қалыпты жағдай, кеңестік кезеңде шығарылған ұшақтың барлығында бар. Ұшақ биікке көтеріліп, номиналды режимге түскеннен кейін, қара түтін жоғалады. Сондықтан, алаңдауға еш  себеп жоқ", - деді Андрей Ким.