Аймақтар • 23 Шілде, 2020

Түркістан облысында "Дәріхана" қосымшасына 35 мыңға жуық азамат тіркелген

290 рет
көрсетілді
1 мин
оқу үшін

Дәрі-дәрмек қажеттілігіне байланысты арнайы іске қосылған "Дәріхана" мобильдік қосымшаны Түркстан облысының тұрғындары тиімді пайдалана бастады, - деп жазады Egemen.kz.

Түркістан облысында "Дәріхана" қосымшасына 35 мыңға жуық азамат тіркелген

Мәселен, қосымшаға 35 мыңға жуық азамат тіркеліп, өзіне қажетті дәрі-дәрмектерді табуға мүмкіндік алған.

Мысалы, шілде айының 14-23 күндері аралығында қосымшадан тұрғындардың 187 311 рет дәрі-дәрмек іздегені белгілі болды.

Сондай-ақ, қосымшада кейбір медициналық препараттарға сұраныс артып, халықтан мыңнан астам өтініш келіп түскен. Жалпы облыс көлемінде бағдарламаға 7 дәріхана іздеу жүйесіне қосылса, 531 дәріхананың тізімдері мен мекен-жайы енгізілген. Яғни түркістандықтар дәріхананың мекен-жайын, байланыс нөмірін және іздеген дәрісінің бар-жоғын қосымша арқылы біле алады.

Сондай-ақ, дәрі бағасының негізсіз көтерілуі сынды жағдайлар орын алған болса, "шағымдану" бөлімі арқылы шағым жасау мүмкіндігі бар.