Жақында Афина қаласында Қазақстан-Грекия экономикалық және технологиялық ынтымақтастық комиссиясының екінші отырысы өтіп, оның жұмысына Қазақстан Республикасы Сыртқы істер министрінің орынбасары А.Волковтың басшылығымен еліміз делегациясы қатысты.
Делегация құрамына Қоршаған ортаны қорғау, Ауыл шаруашылығы, Көлік және коммуникация, Еңбек және халықты әлеуметтік қорғау, Индустрия және жаңа технологиялар министрліктерінің өкілдері кірді.
Жақында Афина қаласында Қазақстан-Грекия экономикалық және технологиялық ынтымақтастық комиссиясының екінші отырысы өтіп, оның жұмысына Қазақстан Республикасы Сыртқы істер министрінің орынбасары А.Волковтың басшылығымен еліміз делегациясы қатысты.
Делегация құрамына Қоршаған ортаны қорғау, Ауыл шаруашылығы, Көлік және коммуникация, Еңбек және халықты әлеуметтік қорғау, Индустрия және жаңа технологиялар министрліктерінің өкілдері кірді.
Комиссия отырысының шеңберінде тараптар істердің жағдайы мен қоршаған ортаны қорғау, көлік, ауыл шаруашылығы, туризм, мемлекеттік қызмет, еңбек және әлеуметтік қорғау, жаңартылған энергия көздерін пайдалану, алдағы ЭКСПО-2017 халықаралық көрмесіне ерекше назар аудара отырып, энергетика салаларында ынтымақтастықты нығайту мүмкіндіктерін талқылады. Сонымен қатар, грек тарапына ынтымақтастықты аймақтық деңгейде дамыту, оның ішінде Алматы және Афина арасында неғұрлым тығыз байланыс орнату мәселесін қарастыру ұсынылды.
Отырыс нәтижелері бойынша тиісті хаттамаға қол қойылды. Тараптар комиссияның кезекті отырысын Астанада өткізуге келісті.
Комиссия отырысының аясында Автомобильдік тасымалдау бойынша аралас комиссияның бөлек отырысы өтіп, тиісті хаттамаға қол қойылды.
Афинада болу шеңберінде А.Волков Грекия Сыртқы істер, Туризм, Қоғамдық тәртіп пен азаматтарды қорғау министрліктерінің басшылығымен, сондай-ақ ел Парламентіндегі «Қазақстан-Грекия» достық тобының мүшелерімен кездесулер өткізді.
Келіссөздер барысында тараптар екіжақты және көпжақты сипаттағы мәселелердің кең топтамасын, оның ішінде сауда, инвестиция, туризм, екіжақты келісімшарт базасын, бизнес-байланыстарды кеңейту салаларында ынтымақтастықты дамыту келешегін талқылады, сондай-ақ БҰҰ Қауіпсіздік Кеңесінің тұрақты емес мүшелігіне тиісінше 2017-2018 және 2025-2026 жылдарға өз кандидатураларын өзара қолдайтынын растады.
Грек тарапы 2014 жылдың бірінші жартыжылдығындағы төрағалығы барысында Қазақстанға Еуропалық Одақпен ынтымақтастықтың мәселелерін ілгерілетуге қолғабыс беруге өз әзірлігін танытты.
«Егемен-ақпарат».
