Қоғам • 28 Шілде, 2020

1 мыңға жуық адам жұмыспен қамтылды

11 рет көрсетілді

Аймақтағы жол жөндеу жұмыстарын жүзеге асыру барысында жұмыс күші ретінде жергілікті тұрғындарды көптеп еңбекке тарту маңызды. «Жұмыспен қамтудың жол картасы» бағдарламасының басты мақсаты да – осы.

Мемлекет қаржысына жөн­деліп жатқан жол, я оңдалып жатқан нысан сол маңайдағы жұмыс­сыздық мәселесінің ше­ші­луіне де ықпал етуі тиіс. Бағ­­дар­ламаның өңірде жүзеге асы­рылу барысы облыс әкім­дігінде талқыланды. Жиында жолаушылар көлігі және автомобиль жолдары басқармасы бас­шысының орынбасары облыс­тағы күре жолдардың оңда­луы барысында еңбекке тартылған тұрғындар туралы есеп берді.

А.Костюковтың мәліметінше, «Жұмыспен қамтудың жол кар­тасы» бағдарламасы бойынша аймақта жыл басынан бері 5,4 млрд теңге игерілген. Бағдарлама бойынша жалпы саны 5064 адамды еңбекпен қамту жоспар­лан­ған. Қазірдің өзінде 939 адам жұ­мысқа тұрыпты.

– Отыз шақты нысанда құ­рылыс-монтаж жұмыстары әлі бастала қойған жоқ. Таяу күндері Әулие­көл, Бейімбет Майлин, Қамысты аудандарында 3 жоба қолға алы­нады. Алтынсарин ауданында 2, ал облыс орталығында 25 жо­баны жүзеге асыруды бастаймыз. Бұл жобалар 2 мыңнан астам адамды жұмыспен қамтуға мүм­кіндік береді. Олардың дені жұмыспен қамту орталықтары арқылы жұмысқа орналасатын болады. Мұның сыртында, жол жөндеу жұмыстарына пайдаланылатын материалдардың 90%-ы жергілікті кәсіпорындардан саты­лып алынады, – деді А.Кос­тюков.

Облыс әкімі Архимед Мұхам­бетов жол құрылысына жауап­ты мекеме басшыларына мердігер­лермен келісімшарт жасауда аса мұқият болып, жол жөндеу жұмыстарының орындалу сапасын қатаң бақылауды тапсырды.

 

ҚОСТАНАЙ

 

Соңғы жаңалықтар

Қай салада жалақы өсті?

Экономика • Кеше

Ресей азаматтары алғыс айтты

Аймақтар • 26 Ақпан, 2021

Ұқсас жаңалықтар