Білім • 28 Шілде, 2020

Асхат Аймағамбетов жоғары оқу орындарында бағаны өсірмеуді ұсынды

3766 рет көрсетілді

Бүгін Білім министрі Асхат Аймағамбетов министрліктің онлайн жиналысында ЖОО-ның басшыларына нақты екі мәселе бойынша ұсыныс тастады, деп хабарлайды Egemen.kz

Асхат Аймағамбетовтың айтуынша, пандемия салдарынан елдегі ахуал қиындай түсті. Оның ішінде студенттер оқуларын уақтылы төлем жасауда да мүмкіндер азайып отыр. Жалпы елдегі экономикалық жағдайға байланысты ЖОО тарапынан ізденуші жастарға қолдау жұмыстарын жүргізуді және нақты екі мәселеге тоқталғысы келетіні туралы мәлімдеді.

"Біріншіден, қарыздары бар студенттерге бөліп төлеу мүмкіндіктерін беру. Біз қазір жүргізілген талдаудың нәтижесін көріп отырмыз. Бірақ осындай мәселелер бар. (...) Сондықтан бөліп төлеуге мүмкіндік қарастыруларыңызды сұраймын.

Екіншіден, біз алған ақпаратқа сәйкес, біраз жоғары оқу орны қазір оқудың бағасын көтеруді жоспарлап отыр екен. Сондықтан бұл мәселе бойынша да сіздерге деген бір өтініш бар. Ол өтініш – осы ахуалды біле отырып, жоғары оқу орындарында бағаны өсірмеу. Бұл – өте маңызды. Сондықтан бұл мәселені қарастырып, тиісті шешім қабылдайды ғой деп сенемін", дейді Асхат Аймағамбетов.

Бұдан бөлек, Білім министрі ведомство тарапынан ЖОО-ларды қолдау бойынша бағдарлама дайындап жатқанын және ол жоғарыда аталған мәселелерді шешуге көмектесетінін тілге тиек етті.

Асхат Аймағамбетов: "Ол тек қаржылай қолдау мәселесі емес, басқа да реформаларға байланысты. Осы өзгерістерді сіздерге жеткізіп, жұмыс тобын құрған едік. Оның ішінде ЖОО-ның білімді, білікті, тәжірибелі ректорлары, сарапшылар қатысқан болатын. Соның нәтижесінде біраз шешім қабылдауға дайынбыз. Бұл шешімдер де ЖОО-ның бәсекеге қабілеттілігін көтеруге көмектеседі және де қаржы жағына байланысты біраз мүмкіндік береді. (...) Өз тарапымыздан осы өзгерістерді жариялаймыз. Бұл да сіздерге осы жұмыстарды қолға алып, шешуге мүмкіндік береді деп ойлаймын", дейді Білім министрі.

Соңғы жаңалықтар

Адасқан балалар аман-есен табылды

Аймақтар • 07 Тамыз, 2020

Ұқсас жаңалықтар