Дәрілердің тіркеу куәлігі мен дәрі-дәрмек сараптамасында қауіпсіздік және сапа сертифи­ка­ты болмағандықтан заңсыз әкелінген. Қазір аталған факт бо­йын­ша сотқа дейінгі тергеу амалдары жүргізілуде. Сондай-ақ шілде айынан бас­тап департамент қызметкерлері дәрі-дәрмекті шамадан тыс бағамен сатудың сегіз оқиғасын анықтады. Үш дәрі­ха­на иесі мен қызметкерлері айып­пұл төлеуге мәжбүр болған. Қазір оларға фармацевтикалық қызметпен айналысуға тыйым салу мәселесі қарастырылуда. Ал № 3 қалалық ауру­ханаға 1,5 млн теңгеге Nur Otan партиясы қалалық филиалы, кәсіпкерлер, мәслихат депутат­тары көмек көрсетті. Көмек барысында медициналық құрал-жабдықтар: тонометр, залал­сыздандыруға арналған құрал­дар, 200 жиынтық төсектік орын берілді. Партия өкілдері бас­таған топ бұған дейін 8,5 млн теңгеге Баянтау, Мойылды провизорлық орталықтарына және психоневрологиялық дис­пан­­серге де дәрі-дәрмектер жет­кіз­ген.

Қазір өңірдегі провизорлық орталықтарда 25 дәрігер, 47 мед­бике, 50 санитар жұмыс істеу­де. Қазір онда 177 жеңіл және орташа деңгейдегі науқас жатыр. Орталық ашылған күні 250 адам болса, осы күнге дейін 120 адам сауығып шықты.

Облыс әкімі Әбілқайыр Сқақов өңірдегі тұрақтандыру қорынан бөлінген дәрі-дәрмектердің облыс орталығындағы дәрі­ха­налар­ға бөліну барысын тексерді. Қа­ла­­дағы 44 дәріханаға дене қыз­уын түсіретін, вирусқа қарсы пре­параттар, сондай-ақ анти­коа­гулянттар мен антибио­тик­тер келіп түскен. Ал дәрі­ха­налар фармацевтері парацетамол, ксарелто, сумамед, цефтриаксон және сұранысқа ие тағы басқа дәрі-дәрмектер әке­лін­генін,болжам бойынша оның көлемі бір аптаға жеткілікті еке­нін айтып берді.

– Қазіргі міндет – дәрі­ха­на­лар­дағы дәрі-дәрмек қорын екі апталық көлемге, содан соң бір айлық көлемге дейін арттыру. Күзгі кезеңге дайын болуымыз керек, – деді өңір басшысы.

Жалпы, дәрі-дәрмектердің тұрақтандыру қоры дәріханалық желіде дене қызуын түсіретін, ви­русқа қарсы препараттар, анти­биотиктер мен антикоагу­лянт­тар тұрақты түрде болуы үшін құрылған. Тұрақтандыру қорын іске қосу кезінде Ә.Сқақов әр қала мен аудандағы эпи­де­миялық жағдай жөніндегі нақты ақпарат негізінде дәрі-дәрмектерді өңір дәріханаларына әділ бөлуді тапсырған болатын. Сонымен қатар облыс әкімі дәріханаларға дәрі-дәрмектердің түскені туралы тұрғындарға уақ­ты­лы және толық ақпарат беру қажеттігін атап өтті.

Тұрақтандыру қорының бі­рін­ші легінен дәрі-дәрмектерді облыстың 88 дәріханасы алды. Оның тізімін қалыптастыру сала­лық қауымдастықтың қа­ты­суымен өтті. Жедел штабта осыған дейін сатылымға түскен пре­параттардың барлық атауы мен дәріханалардың мекенжайлары жарияланды. Тұрақтандыру қорынан келіп түскен дәрі-дәр­мектер Павлодардағы – 44, Екі­бас­тұз қаласы мен ауыл­дық аумақ­тарында – 25, Ақсу қа­ла­сында – 4, ауылдық аумақ­та­рындағы 15 дәріхана дәрі-дәрмек алды. Оны жеткізу «Павлодар» ӘКК, жеткізуші компания, Тауарлар мен көрсетілетін қызметтердің сапасы мен қауіп­сіз­дігін бақылау комитетінің де­п­артаменті, кәсіпкерлік және сауда басқармасы, сонымен қатар «Қазмедфарм» ЖШС дәрігерлері, провизорлар мен фармацевтер қауымдастығына міндеттелген. Нәтижесінде «Павлодар» ӘКК және еліміздегі фармацевтикалық компаниялардың бірі өңірдегі және еліміздегі эпи­де­мия­лық жағдайға бай­ланысты сұранысқа ие дәрі-дәрмектің 37 түрін өңірдегі дәріханаларға үздіксіз жеткізуге мүмкіндік беретін келісімге қол қойды.

Өңірдегі дәріханаларға 90 мыңға жуық қаптама мен құ­ты­дағы антибиотиктер, 61 мыңнан астам қаптама мен құтыдағы дене қызуын түсіретін дәрі-дәрмек және 19 мыңнан астам қаптама мен құтыдағы вирусқа қарсы препараттар жеткізілді. Сондай-ақ аудандық дәріханаларға 13600 қаптама мен құтыдағы дене қызуын түсіретін дәрі-дәрмек – аспирин, парацетамол, ибуфен және тайлолфен жіберілген. Облыс әкімінің тапсырмасымен медициналық сақтандыру қорының қаражатын қайта бөлу тәсілі арқылы емханалар мен ауруханалардың қазіргі қажеттіліктерін ескере отырып, қордағы қаражат тұрғындарды үйде емдеуге арналған мобильді бригадалар санын арттыруға жұм­­салмақ. Бүгінгі таңда емха­на­лық желі негізінде 59 мобильді бригада жұмыс істейді.

– Қазір тәулігіне 1,4 мың үйге шақыруға қызмет көрсететін мобильді бригадалардың саны 93-ке жетті. Стационарлар мен дәріханалар дәрі-дәрмекпен қамтамасыз етілуде, – дейді Денсаулық сақтау басқармасы басшысының міндетін атқарушы Біржан Досмайылов.

«Үйдегі стационардың» ерек­ше­лігі – дәрігер науқасты ғана емес, оның отбасының да жағ­да­йын бақылауға мүмкіндігі бар.

– Бүгінде медициналық ұйым­­дар бұрын жасалған шарт­тар бо­йынша дәрі-дәрмек алады, – деді өңір басшысы. – «Мед­сер­вис» дистрибьюторы арқылы ацетилсалицил қышқылының 10 мыңға жуық қаптамасы, сондай-ақ парацетамол, таблеткаланған антибиотиктер, инъекциялық және вирусқа қарсы препараттар жеткізілді. Қосымша өтінім 1,5 млрд теңгеге жуық сомаға сатып алуға берілді, бұл мақсатқа 33 атаулы антибиотиктер, тромболитиктер сатып алынады.

Ал жұрт індеттен қалай сауы­ғып шығамыз деп жат­қан­да, дәрі-дәрмектерді алып­са­тарлық жолмен сатудың 20 фактісі анықталды. Полиция қызметкерлері дәрі-дәрмектерді заңсыз сатуға байланысты құ­қық бұзушылықтарды анық­тау бойынша әлеуметтік желіге тұ­рақ­ты негізде мониторинг жүргізуде. Облыстық полиция департаменті баспасөз қыз­меті­нің мәлімдеуінше, алып-сатулар жедел-іздестіру іс-шараларын жүргізу барысында анықталған.

Павлодар облысы