Нұрлан Аманқосовтың айтуынша, қыркүйек, қазан айларында ТМД көлемінде өтетін бірқатар жарыстар бар. Мәселен, Беларусь елінде ересектер арасында Александр Медведь атындағы халықаралық сын өтеді. Одан бөлек, 23 жасқа дейінгі спортшылар арасында да түрлі турнирлер бар. Әзірге бұл жарыстардың барлығы жоспарда тұр.
«Егер елдегі және әлемдегі індеттің беті бері қараса, барлық додаға қатысамыз деген ойдамыз. Ал карантин кезінде спортшылар өз үйінде жаттығуда. Әркім өз бетінше жаттықса да, кілемдегі, оқу-жаттығу жиынындағы дайындыққа ештеңе жетпейді. Тезірек жағдайдың жақсарғанын күтеміз», дейді бас бапкер.
