Спорт • 29 Шілде, 2020

Кәсіпқой боксшы Батыр Жүкембаев отандық танымал брендтің амбассадоры атанды

652 рет
көрсетілді
2 мин
оқу үшін

Танымал қазақстандық боксшы Батыр Жүкембаев «RG Brands» ЖШС-мен ресми келісімшартқа қол қойып, A’SU брендінің амбассадоры атанды. Бұл туралы боксшының өзі әлеуметтік желідегі парақшасында жариялады.

Кәсіпқой боксшы Батыр Жүкембаев отандық танымал брендтің амбассадоры атанды

Батыр Жүкембаев – бірінші жартылай орта салмақта жұдырықтасатын, жеңіліс дәмін татып көрмеген кәсіпқой боксшы. Ол 1991 жылы 5 сәуірде Жамбыл облысының Шу өңірінде дүниеге келген.  Бүгінде рингте "777" лақап атымен кеңінен танымал. Қазіргі таңда  WBA Continental, IBF Inter-Continental, IBO International, WBC Continental Americas чемпиондық титулдарының иегері.

Батыр кәсіпқой рингтегі 18 жекпе-жегінің бәрін ұтып, 14 нокаут тіркеген. 2019 жылы ол әлемнің экс-чемпионы Мигель Васкесті жеңіп, WBA және IBF тұжырымының белбеулерін еншіледі. Жыл басында мексикалық Рикардо Лараны нокаутқа жіберсе, 2018 жылдың 31 наурызында қарсыласын 35-ші секундта-ақ құлатып өзіндік рекорд орнатты. Жүкембаевтың ерекше жұдырықтасу мәнерін бүгінде АҚШ пен Канаданың білікті бокс мамандары жоғары бағалап, оны өз дивизионындағы болашақ бокс жұлдыздардың қатарына қосады.  

Жалпы "RG Brands" ЖШС-і құрамына кіретін "Resmi Group" директорлар кеңесінің Төрағасы Қайрат Мәжібаевты қазақ спорт жанкүйерлері жақсы біледі. Ол тек табысты кәсіпкер ғана емес ел аузында спорт жанашыры ретінде де аты аталып жүрген азамат.

Батыр Жүкембаев

"RG Brands" компаниясы мен "ASU" ауыз су бренді мақсаты үлкен спортшыларды әркез қолдайды. Өйткені оларға қарап бүгін өскелең ұрпақ бой түзейді және еліміздің абыройы дейтін құбылыс солармен бірге қалыптасуда. Батырдың бойынан осы аталған қасиеттердің барлығын таба аласыз. Ол болашағы жарқын және күш-қуаты толысқан боксшы. Біздің әріптестігіміз жемісті болады деп сенемін», деді Қайрат Қуанышбайұлы.