Спорт • 30 Шілде, 2020

Сұрмерген хоккейші еді...

37 рет көрсетілді

Осыдан дәл 18 жыл бұрын, яғни 2002 жылдың 31 шілдесінде өзіміздің жерлесіміз, даңқты хоккейші Борис Александров жол апатынан қайтыс болған еді, - деп жазады Egemen.kz

Борис Викторұлы 1955 жылы Өскеменде дүниеге келді. Спорттық карьерасын жергілікті "Торпедода" бастаған сұрмерген шабуылшы Мәскеудің ЦСКА мен "Спартак", Твердің СКА-МВО клубтарында жасындай жарқырады. Бірнеше аталмдар бойынша арнайы сыйлықтарды иеленді. Сексеніші жылдары қайта елге оралып, алты маусым бойы "Торпедоның" намысын абыройлы қорғады. Одан кейін ол Италияның "Миланы" мен Мажарстанның "Ференцварошында" өнер көрсетті. КСРО құрамасы сапында бірқатар халықаралық деңгейдегі додаларға қатысып, 1976 жылы Инсбрукте алауы тұтанған Олимпия ойындарының жеңімпазы атанды. Үлкен спортпен қош айтысқаннан кейін Александров өзінің туған қаласында жаттықтырушылық қызмет атқарып, 1996-2002 жылдары Қазақстан құрамасының бас бапкері болды.

2002 жылы шілде айының соңғы күні Уфа-Челябі тас жолының бойында қос көліктің соқтығысуы салдарынан даңқты хоккейші көз жұмды. Борис Александров небары 46 жаста еді... 

Соңғы жаңалықтар

Адасқан балалар аман-есен табылды

Аймақтар • 07 Тамыз, 2020

Ұқсас жаңалықтар