Аймақтар • 03 Тамыз, 2020

Алтын артқан автокөлік шекарада ұсталды

1152 рет

көрсетілді

1 мин

оқу үшін

Қостанай облысындағы «Қайрақ» бақылау бекеті арқылы Ресей асып бара жатқан жүк көлігінен 10 тонна алтын кені табылды. Көліктегі жүк құжат бойынша кварцит минералы деп ресімделген. Үйдей-үйдей 12 үлкен қапқа салынған алтын кенінің әр тоннасынан кем дегенде 1 келі таза алтын алуға болады екен. Заңсыз жүкті шекарашылар тәркілеп алды.

Нұрқанат ҚҰЛАБАЕВ

«Қазақстан Республикасы азаматы мінген «Вольво» маркалы жүк көлігі 2020 жылғы 27 шілде сағат 18:45-те шекаралық бақылау бекетінде тексерістен өту барысында ұсталды. Ұлттық банктің мәліметіне сүйенсек, 1 грамм алтынның нарықтағы құны – 25 213 теңге. Сонда мемлекетке келтірілген шығын көлемі шамамен 250 млн теңге болады», деді ҚР ҰҚК Шекара қызметі Қостанай облысындағы департаментінің баспасөз хатшысы Манарбек Карекенов.

Қостанай облысы