Дегенмен, облыстық полиция департаментінің бастығы Қамза Үмбетқалиевтың айтуына қарағанда, биылғы алтыайда балық қорын қорғауға қатысты құқықбұзушылықтарды төмендетудің мүмкіндігі артты. Бұған әсіресе, браконьерлік үшін берілетін жазаның қатаңдатылуы оң ықпалын тигізіп отыр. Сондай-ақ, карантин режимінің сақталуын қамтамасыз ету мақсатында жүргізілген іс-шаралардың әсері тиіпті.
"Жыл басынан бері жүргізілген профилактикалық іс-шаралар кезінде табиғат қорғау заңдылығы 337 рет бұзылғаны анықталды. Оның 305-і балық қорына қол сұғушылыққа қатысты болды. Осыған байланысты полиция қызметкерлері 57 қылмыстық іс қозғады. ҚР Әкімшілік құқықбұзушылық туралы Кодексінің 383-бабымен (Балық аулау және балық ресурстары мен басқа да су жануарларын қорғау қағидаларын бұзу) 276 хаттама толтырылды" дейді департамент бастығы Қамза Үмбетқалиев.
Полиция қызметкерлері алты айда құқық бұзушыларға 3 млн теңгеден астам айыппұл салды. Айыппұлдың 1,5 млн теңгеден астамы өндірілді. Заңсыз сауда айналымынан 9 тоннадан астам балық тәркіленді. Оның ішінде 999 кило бекіре тұқымдас бағалы балық түрлері бар. Сондай-ақ, заңсыз балық аулаушылардан 284 ау мен 2 суда жүзу құралы алынды.
