22 қазанда Ақордада Қазақстан Республикасы Президентіне бірқатар жаңадан тағайындалған шетелдік елшілер Сенім грамоталарын тапсырады, деп хабарлады Президенттің баспасөз қызметі.
Сенім грамоталарын Мемлекет басшысына Бельгия, Армения, Беларусь, Бразилия, Франция, Куба және Катар елшілері табыс етеді.
24-25 қазанда Қазақстан Президенті Минскіде Жоғары Еуразиялық экономикалық кеңестің және Тәуелсіз Мемлекеттер Достастығы Мемлекет басшылары кеңесінің отырыстарына қатысады.
Сапар барысында Нұрсұлтан Назарбаевтың Жоғары Еуразиялық экономикалық кеңестің және Тәуелсіз Мемлекеттер Достастығы Мемлекет басшылары кеңесінің отырыстарына қатысуы, сондай-ақ, Еуразиялық интеграция, ТМД аясындағы сауда-экономикалық және мәдени-гуманитарлық ынтымақтастықты дамыту мәселелерін қарау көзделген.
