Аймақтар • 04 Тамыз, 2020

Маска тақпаған жолаушыны ұшақтан түсіріп тастады

15 рет көрсетілді

Атырау қаласы әуежайындағы желілік полиция бөлімшесіне "Qazaq Air" АҚ әуекомпаниясының өкілінен "Атырау-Ақтау" бағытындағы ұшаққа отырғызу кезінде тәртіп бұзған жолаушы анықталғаны туралы хабарлама түскен. Бұл туралы Көліктегі полиция департаментінің баспасөз қызметі хабарлады, - деп жазады Egemen.kz

Көліктегі полиция департаменті басшысының бірінші орынбасары Қалижан Қобландиннің хабарлауынша, тексеріс кезінде полицейлер командир мен экипаж мүшелерінің айтқанын орындамай, маска тағудан бас тартып карантин ережесін бұзған 60 жастағы Ақтөбе қаласының тұрғынын анықтады. Сараптама барысында азаматтың ішімдік ішкені анықталды. Тәртіпке бағынбаған жолаушыны ұшақтан түсіріп тастады.

"Тәртіп бұзушыға қатысты ҚР ӘҚБтК- нің 440-бабының 1-бөлігі (алкогольдік ішімдіктерді ішу немесе қоғамдық орындарға масаң күйде келу) және ҚР ӘҚБтК-нің 566-бабы (ұшақта өзін-өзі ұстау ережелерін бұзу) бойынша әкімшілік хаттама толтырылып, 8 АЕК (22 224 теңге-ред.) көлемінде айыппұл салынды", - деді полиция полковнигі.

Сонымен қатар жолаушыға қатысты ҚР ӘҚБтК-нің 425-бабы (Халықтың санитарлық-эпидемиологиялық салауаттылығы саласындағы заңнама талаптарын, сондай-ақ гигиеналық нормативтерді бұзу) бойынша әкімшілік хаттама толтырылып, ол Атырау бөлімшелік көліктегі тауарлар мен көрсетілетін қызметтердің сапасы мен қауіпсіздігін бақылау басқармасына жіберілді.

Соңғы жаңалықтар

Ұйыса білсек, ұрлық тыйылады

Аймақтар • Бүгін, 22:11

Жаңа мектептер жан сүйсіндіреді

Аймақтар • Бүгін, 20:32

Еуро тағы қымбаттады

Экономика • Бүгін, 17:05

Бәйтеректе өрт шықты

Аймақтар • Бүгін, 12:00

Ұқсас жаңалықтар