Аймақтар • 06 Тамыз, 2020

Жаңа аурухана салынып жатыр

177 рет
көрсетілді
1 мин
оқу үшін

Облыста кейінгі екі апта ішінде жа­ңадан індет жұқтырғандар саны 5 есеге азайды. Денсаулық сақтау бас­­қар­масы стационарларлық гос­питаль­­дар­дағы науқастардың 78%-ға қыс­қар­ғаны туралы мәлімет беріп отыр. Эпи­демиялық ахуал тұрақтана бас­­таған соң, облыс орталығындағы «Дос­тық профилакториялық мекемесі мен психоневрологиялық диспансер, сондай-ақ темір жол ауруханасы жанынан ашылған провизорлық стационарлар да жұмысын тоқтатқан.

Жаңа аурухана салынып жатыр

Соған қарамастан Қостанайда маман­дан­дырылған жаңа емдеу меке­ме­сінің құрылысы басталды. Бұл туралы өңірлік жедел штаб отырысында облыс әкімі Архимед Мұхамбетов айтты.

– Биыл қазан айының 1-іне дейін Қостанай қаласында 200 орындық ин­фек­циялық аурухана пайдалануға бері­леді. Қазір Орал көшесінің бойында құрылыс жүріп жатыр. Алдағы екі ай­дың ішінде толық салынып бітеді, – деді аймақ басшысы.

Жаңа аурухананы дәрігер мамандармен қамту мәселесі де реттеліп қойған. Биыл облысқа өзге өңірлерден 240 дәрігер келеді. Аймаққа жас мамандарды көптеп тарту мақсатында оларға берілетін көтерме ақы көлемі де өскен. Бұған дейін 1,5 млн теңге көлеміндегі көтерме ақы тек ауылға баратын дәрігерлерге ғана беріліп келсе, биылдан бастап қалалық мекендердегі медициналық мекемелерге жұмыс істеуге келген мамандарға да 1 млн теңгеден қолдау көрсетілетін болады.

 

 Қостанай облысы

 

Соңғы жаңалықтар

Су үнемдейтін қондырғы

Технология • Кеше