Күні кеше футболдан Еуропа лигасының кейінге қалдырылған 1/8 ойындарының қарымта кездесулері өтті. Англияның «Манчестер Юнайтед» клубы өз алаңында Аустрияның ЛАСК командасынан 2:1 есебімен басым түсіп, ширек финалға жолдама алды. Сонымен қатар Италияның «Интер», Украинаның «Шахтер» және Данияның «Копенгаген» клубтары да турнирдің ширек финалында өнер көрсететін болды.
«Интер» өз алаңында «Хетфені» 2:0 есебімен жеңсе, «Шахтер» «Вольфсбург» қақпасына жауапсыз үш гол соқты. Данияда өткен ойында да «Копенгаген» футболшылары «Ыстанбұл Башакшехир» клубының қақпасын үш мәрте дәл көздеді. Турнирдің ширек финал матчтары 11-12 тамызда өтеді.
