Биыл "Жаңа Алматы" бағдарламасы аясында шетсіз қала қағидасын негізге ала отырып, Алатау ауданында жалпы ұзындығы 47,4 шақырымды құрайтын 177 көшеде жаңа жолдардың құрылысы жүргізіліп жатыр. Оның ішінде бүгінгі күнде 112 көше бойында ұзындығы 18,6 шақырымдық жаңа жолдар құрылысы аяқталды. Жыл соңына дейін қалған 65 көшеде ұзындығы 28,8 шақырым жол құрылысын аяқтау жоспарлануда. Сонымен қатар ұзындығы 200 шақырымды құрайтын 283 көшеге орташа жөндеу жүргізу және ұзындығы 30 шақырым тротуар, 80 аялдама алаңдары мен қалталарды орнату және жөндеу жоспарланған. Қаланың көше-жол желісіндегі жол жамылғысын ағымдағы жөндеумен 300 мың м2 асфальтбетон жабынын жөндеу жоспарланған. Бүгінгі күні ұзындығы 62,6 шақырымды құрайтын 91 көше орташа жөндеуден өтті. Сондай-ақ 151 мың м2 көлемінде ағымдағы жөндеу жұмыстары және ұзындығы 19,2 шақырым тротуар салу жұмыстары орындалды.
3 көлік жолайрығы құрылысы (Рысқұлов даңғылы – Емцов көшесі, Сейфуллин даңғылы – Жансүгіров көшесі, Бұқтырма көшесі – Құлжа күре жолы), Абай даңғылы мен Саин көшесін ұзарту жұмыстары жалғасуда.
Сондай-ақ 5 жаяу жүргіншілер өткелдерінің құрылысы бойынша жұмыстар басталды (Солтүстік айналма көшесі – Москвин көшесінің солтүстігіндегі, Солтүстік айналма көшесі – Жұмабаев көшесінің солтүстігіндегі, Солтүстік айналма көшесі – Боралдай көшесінің оңтүстігіндегі, Майлин көшесі – Тоқай көшесіндегі, Майлин көшесі – Қапал көшесінің оңтүстігіндегі). Биылғы жылдың аяғына дейін аталмыш жұмыстарды толық атқару жоспарланған.
Одан басқа, қазіргі уақытта Алматы қаласының 9 шағынауданындағы (Алғабас, Шаңырақ-5, Өжет, Самғау, Шапағат, Құрамыс, Әлмерек, Нұршашқан, Қайрат шағын аудандары) жалпы ұзындығы 118 шақырымдық жол құрылысы, Думан шағынауданындағы жолдарды күрделі жөндеу, Төле би көшесін ұзартуда жобалық-сметалық құжаттамалар әзірлеу жұмыстары жалғасын тауып отыр.
Жолдар инфрақұрылымы және көше-жол желісі нысандарына 21 мердігерлік ұйым жұмылдырылған, соның ішінде 4100 жұмысшы мен 1007 техника бірлігі жұмысқа тартылған.
Метрополитеннің бірінші желісі екінші кезегі екінші іске қосу кешенінің құрылысы жалғасуда, ол "Достық" және "Сарыарқа" бекеттерін және батыс бағытта Абай даңғылы бойымен Алтынсарин даңғылынан Момышұлы көшесіне дейін ұзындығы 3,1 шақырым метро желісін қамтиды.
Биыл үшінші іске қосу кешенінің құрылысы басталды, ол Абай даңғылы бойымен Яссауи көшесінен Әшімов көшесіне дейін және Қалқаман шағынауданында Әшімов көшесінің астымен солтүстік бағыттағы ұзындығы 2,4 шақырым "Достық" бекеті – "Қалқаман" бекеті аралық тоннельдерін қамтиды.
"Достық" пен "Сарыарқа" метростансалары 2021 жылы аяқталады деп жоспарлануда. Ал "Қалқаман" стансасының құрылысы енді басталды.
АЛМАТЫ
