П.Брукман алғаш рет Абайдың аудармасымен бетпе-бет келіп, оның бай тілін ерекше атап өтті. Аудармашы қара сөз арқылы қазақ халқының бай мәдениетімен танысуға мүмкіндік алғанын және ұлы қазақ ойшылының басқа да еңбектерін аударуға дайын екенін айтты.
Қазақстанның Израильдегі елшісі Сатыбалды Буршаков израильдік оқырмандарды Абай шығармаларымен – бай қазақ әдебиетінің мұрасымен таныстыру үшін зор үлес қосқан барлық қатысушыларға алғысын білдірді.
Осыдан бұрын белгілі израильдік «Хаарец» газеті өз беттерінде Қазақстан Президенті Қ.Тоқаевтың жарияланымын пайдалана отырып, Абай феномені туралы арнайы материал жариялады. Қазақстан Елшілігі жақында Еврей университетінің басшылығын Абайдың шығармашылығымен таныстырды, ол осы жылдың күзінде оқу процесі қалпына келтірілгеннен кейін осы университет жанындағы Трумэн институтында «Қара сөздерінің» тұсаукесері туралы бастаманы қолдады.
