Облыста "Қызыл кітапқа" енгізілмеген аңдар мен құстарды аулауға ғана рұқсат етілген. Ал аң аулау шаруашылығы аумағына арнайы рұқсат болған жағдайда ғана баруға болады. Облыста ондай шаруашылықтардың саны – 37. Бұлардан басқа алты қорықта және "Көкшетау" ұлттық паркі аумағында аң аулауға тыйым салынған.
Соңғы рейдті қоса есептегенде жыл басынан бері табиғатты қорғау заңнамасының 658 құқық бұзушылығы анықталған. Оның ішінде – 378 жануарлар дүниесі саласында, 226-сы балық аулау саласында және өсімдіктер әлемі бойынша – 9. Экологиялық қылмыс фактілері бойынша 5 қылмыстық іс сотқа жолданды, тағы 8-і өндірісте жатыр. Келтірілген шығын сомасы 13 млн. теңгеден асады. Браконьерлерден 21 сібір елігінің, 2 маралдың тұтас еті және 3 аққудың еті алынды. Сондай-ақ, 3 техника мен 8 мылтық алынды.
Солтүстік Қазақстан облысы
