Қоғам • 14 Тамыз, 2020

Вирусты жоятын бетперде өндіреді

23 рет көрсетілді

Қазақстандық «Qamqor Tech» ком­паниясы Израильдің Sonovia компа­ниясымен бірлесіп, елордада «SONOMASK» атты вирусқа және бакте­рияларға қарсы көп реттік мас­ка өн­ді­рісін іске қосты. Израильдік тех­но­логиямен жасалатын ерекше бетперде вирус пен бактериядан қор­­ғап ғана қоймай, оны жойып жі­бе­реді.

Бұл бетперде Назарбаев Университет жанындағы технопаркте ультрадыбыстық технология бойынша шығарылады. Өнді­ру­шілер маска бактерияның 99,99 пайызын, вирустың 98,89 пайызын жоятынына кепілдік береді. Бұл әлемнің әртүрлі ірі ғылыми-зерттеу орталықтарының зерт­ха­на­лық зерттеулері нәтижесінде рас­тал­ған. Халықаралық стандарттарға сәйкес ке­леді.

Өндірушілердің айтуынша, бетпердені бір жыл бойы қолдануға болады, жүз рет жуу циклынан кейін де қасиеті жойылмайды. Айта кету керек, пандемия кезінде «Qamqor Tech» компаниясы озық және бірегей технологияны қолдана отырып, жүздеген адамның өмірін құтқару үшін COVID-19 вирусының таралуына қарсы күреске атсалысуға шешім қабылдады.

Израильдік «Sonovia» компаниясының өнім­дері Еуропа мен АҚШ нарықтарын қам­тиды, компанияның вирусқа қарсы мас­­калары ТМД және Оңтүстік-Шығыс Азия нарықтарында қазақстандық «Qamqor Tech» компаниясының брендімен ұсы­ны­лу­да.

– Бүгінгі таңда осы жобаға салынған инвестиция көлемі 140 млн теңгеден асады, алдағы уақытта өндірісті жаңғырту, өнім түрлерін көбейту аясында көптеген жұ­мыстар атқарылады, – дейді компания өкіл­дері.

Айта кету керек, «SONOMASK» маска­ла­рының ерекшелігі туралы New York Times, Reuters, The Guardian, I24 News, VogueBusiness, The Independent сынды ше­телдік беделді басылымдар жазған болатын.

Гуманитарлық көмек аясында «Sonovia» компаниясы пандемияға қарсы кү­ресте ал­ғы шепте жүрген дәрі­гер­лер­ге қорғаныс мас­ка­ларын тапсыр­ды. Бет­перделер Ұлт­тық ғылыми кардио­хи­рургиялық орталыққа және №1 қалалық ауруханаға берілді.

 

Соңғы жаңалықтар

Ұқсас жаңалықтар