ЕЛІМІЗ ҮЛЕСІНЕ ЕРЕКШЕ ЫҚЫЛАС

Елбасы, “Нұр Отан” партиясының Төрағасы Нұрсұлтан Назарбаевтың Корея Республикасына сапары қарсаңында партия Төрағасының бірінші орынбасары Нұрлан Нығматулин бастаған “Нұр Отан” ХДП делегациясының осы елге жұмыс сапары болды. Корея Республикасы Қазақ­станның ежелгі әріптесі. Қазақстан Корея Республикасымен пар­тияаралық, саяси, мәдени-гума­нитарлық және экономикалық ынтымақтастықты дамытуда. Қазірдің өзінде елімізде Оңтүстік Корея капиталының қатысуымен 300-ден астам бірлескен кәсіпорын жұмыс істейді. Қазақстан мүддесін көздейтін өзара ынтымақтастық қатарында энергетика, көлік, құрылыс, сауда-экономикалық және ғылыми-техникалық, сондай-ақ банк саласындағы жобалардың жүзеге асырылуын айтуға болады. Корея Республикасы – АӨСШК, басқа да интеграциялық құрылым­дар­дың белсенді қатысушысы. Делегацияның жұмыс сапары Қазақстанның Корея Республика­сын­дағы жылы аясында өткізіліп жат­қан алғашқы Казақстан – Ко­рея форумына қатысумен басталды. Нұрлан Нығматулин форумда сөй­леген сөзінде: “Бүгінгі күні “Нұр Отан” халықтық-демократиялық пар­тиясы өзін Қазақстан халқының мүддесін қорғаушы және демо­кра­тиялық құндылықтарға арқа сүйеу­ші халықтық билік партиясы ретін­де көрсетіп, заманауи қоғамдық-саяси жүйеде нық орын алып ке­ле­ді. Ортақ табыс тікелей Қазақ­стан азаматтарының көпшілігінің бір­лескен күшімен қамтамасыз еті­леді. Осы көпшілік бүгінде өзін көр­сетті, Қазақстан Республикасы­ның Президенті, партиямыздың Төрағасы Нұрсұлтан Әбішұлы На­зар­баевтың саяси бағытына бір­не­ше мәрте өз сенімдерін білдіріп әрі дәлелдеп саяси аренаға шықты. Осы бағдарға сүйеніп, Қазақстан хал­қы әлеуметтік тұрақтылықты, этносаралық және конфессия­ара­лық келісімді, қоғамымыздың толе­рант­тылығы және Қазақстанның бір­лігі мен гүлденуін қолдайды”, – деді. Корея Республикасы Сыртқы істер және сауда министрінің бі­рін­ші орынбасары Как Су Шин: “Нұр­сұлтан Назарбаевтың басшы­лы­ғымен Қазақстан тұрақты эко­но­ми­калық дамуға қол жеткізді. Әлем­дік қаржы дағдарысына қара­мастан, өткен жылы экономи­калық өсім 1,02 пайыз болды. Бұл Қа­зақ­станның дағдарысты еңсеріп келе жатқанын айғақтайды. Қазақ­стан­ның экономикалық табыстарымен қатар, әлемдік қоғамдастық алдын­дағы мәртебесі де жоғарылап келе­д­і. Өткен 20 жылда Азиядағы өзара іс-қимыл және сенім шаралары жө­ніндегі кеңестің басы-қасында жүр­ген Қазақстан аймақтық ынты­мақ­тастықты тереңдетуге айрықша үлес қосты. ТМД елдері арасында тұңғыш рет Еуропадағы қауіпсіз­дік және ынтымақтастық ұйымы­на төраға болды”, – деді. Өзге де сөй­легендер Қазақстанның татулығы­ мен бірлігі жарасқан ел екенін, түрлі ұлттар мен мәде­ниеттердің ба­сын қосып отырған Қазақстан­нан үлгі алу керек екенін атап көр­сетіп жатты. “Ханнара” Ұлы Ұлттық пар­тия­сының төрағасымен кездесуінде Нұрлан Нығматулин Қазақстандағы билік партиясының қазіргі қызметі мен оның негізгі бастамаларынан хабардар етті. “Ханнара” мен “Нұр Отан” партиясын тығыз ынтымақ­тас­тық пен әріптестік байланыс­тыратынын айтты. Делегация мүшелері біріккен Кореяда 1938 жылы негізі қаланған Оң­түстік Кореядағы ең ірі өнер­кәсіптік концерннің бірі, әлемге танымал Samsung Electronіcs ком­паниясына барды. Сондай-ақ деле­гация мүшелері Корея ұлттық мұражайында болды. Сапар нәтижесінде “Ханнара” мен “Нұр Отан” партиялары ара­сын­дағы ынтымақтастық хаттама­сына қол қойылды.