Қоғам • 17 Тамыз, 2020

Алматыда 200 мыңнан астам адам жұмысына қайта шықты

18 рет көрсетілді

Карантин талаптары жеңілдеп, Алматыда да 200 мыңнан астам адам жұмысқа шықты. Бұл туралы "Хабар 24-ке" сілтеме жасай отырып Egemen.kz хабарлайды. 

Дегенмен мамандар әлі де босаңсуға болмайтынын ескертеді. Бүгін Алматы қаласының бас мемлекеттік санитарлық дәрігерінің шектеу шараларын кезең-кезеңімен жеңілдету туралы қаулысы шықты. Қалада сенбі-жексенбі күндері карантин кезіндегідей қоғамдық көліктер жүрмейді. Және барлық мәдениет ошағы мен діни нысандардың ашылуына рұқсат жоқ. Медеу, Шымбұлақ және Бутаковка секілді таулы аймақтарға көлікпен кіруге болмайды.

Жаяу жүргіншілерге тек жұмыс күндері ғана серуендеуге рұқсат. Сондай-ақ бүгін көптеген кәсіпорын мен сауда орталықтары жұмысын қайта жалғастырды. Бірақ олардың толымдылығы 30 проценттен аспауы тиіс.

Нариман Әбілшайықов, қалалық кәсіпкерлер палатасының директоры: "Бүгінгі күннен бастап осы карантин жеңілдетілді. Біздің палата сарапшылары санап шықты. Бүгінгі күннен бастап қаламыздың 51 мың кәсіпкері өз жұмысын жандандырады. Бұларда істейтін адамның саны 200 мыңнан асып отыр. Бұл көбіне қаламыздың сауда орталықтары, базарлары бар. Қаламыздың 27 базары. Сондықтан өткен сенбі-жексенбі әкімдікпен бірлесе отырып, олардың аудитін жасап, бүгінгі күннен бастап бұлар өз жұмысын бастап кетті", дейді ол.

Қазақстандағы және әлемдегі соңғы жаңалықтарды бірінші болып оқу үшін Telegram желісінде бізге жазылыңыз.

Соңғы жаңалықтар

Қарасу ауданында 39 үйді су басты

Аймақтар • Бүгін, 17:12

Бүгін – экологиялық білім күні

Экология • Бүгін, 15:59

Түркістанға 3000 жыл

Руханият • Бүгін, 12:10

2002 адам коронавирустан емделіп шықты

Коронавирус • Бүгін, 09:32

Ұқсас жаңалықтар