Қазақстандық стартапқа инвестиция салды

2019 жылғы 12 желтоқ­санда Премьер-Министр Асқар Маминнің АҚШ-қа сапары аясында «QazTech Ventures» АҚ және 500 Startups америкалық венчурлық қоры арасында V Жаһандық қорға қосылу туралы келісімге қол қойылды. Әріптестіктің негізгі мақсаты – қазақстандық стартап жобаларға инвестициялар тарту және жаһандық нарықта масштабтауға жәрдемдесу.

«AWSM Bank» стартапы – АҚШ нарығында жүзеге асы­рылатын жоба, оның негі­зін отандасымыз Әлібек Жүніс­баев қалады. Стартап жас­өс­пірімдерге банктік қызмет­тердің толық спектрін ұсына отырып, қаржылық сауат­ты­лықты арттыруды ұсынады.

«Біз 13-18 жас аралы­ғын­дағы балаларға TikTok стил­індегі қысқа, 30 секундтық бейнелер форматында тео­рия­лық қаржылық білім бере­міз. Біз теориялық білімді прак­тикалық дағдыларға айналдырып, оларға толыққанды, бірақ қауіпсіз банк қызметін көрсетеміз», дейді стартап жобаның негізін қалаушы Әлібек Жүнісбаев.

Жобаның міндеті – жасөс­пірімдерге қаржылық сауат­тылықты үйрету үшін оларды қаражатты ақылмен жұм­сау әдетіне, жинақтау қажет­тілі­гіне, қарыздарды басқару шебер­лігіне, артық қаражатты инвес­тициялау ептілігіне дағды­лан­дыруға мүмкіндік беру. Яғ­ни AWSM қаржылық білімді абс­трактылы және теория­лық­тан практикалық, жеке және тәжірибелік білімге айнал­дырады. Бұл жобаның нарық­тағы бәсекелестерден басты ар­тықшылығы болып саналады.

 «Qaztech Ventures-тің V Жаһандық қорға қатысуы біз­дің стартапқа инвестиция тартуға мүмкіндік берді. 500 Startups компаниясының қол­дауы біздің жобамыздың тез дамуына септігін тигізетіні сөзсіз», дейді Ә.Жүнісбаев.

«Біздің негізгі міндетіміз – жергілікті және шетелдік нарықтарда жұмыс істейтін қазақстандық стартаптарға инвестициялар тартуға және Қазақстанның венчурлық индустриясын дамыту арқылы әлемдік аренада қатысуды кеңейтуге жәрдемдесу. 500 Startups-пен ынтымақтастық алғашқы нәтиже береді жә­не біз стартаптарымыз­ды ілгерілету бойынша жұ­мыс­ты жалғастыруға ниетті­міз. Осы жылдың қыркүйе­гінде біз Demo Day өткізуді жос­парлап отырмыз. Онда техно­логиялық командалар­ды өз идеяларын таныс­тыруға шақырамыз. Іріктеу қоры­тындысы бойынша ең перс­пективалы командалар біздің шетелдік әріптесіміздің инвес­тицияларына талаптана алады», деп түсіндірді «QazTech Ventures» АҚ басқарма төр­ағасының міндетін атқарушы Диас Бексолтан.