Аймақтар • 19 Тамыз, 2020

Түрмеге телефон кіргізбек болған ақтөбелік ұсталды

189 рет
көрсетілді
1 мин
оқу үшін

Ақтөбеде аяқ киімге телефон жасырып, түрмеге кіргізбек болды, – деп хабарлайды Egemen.kz ҚР ІІМ-нің Polisia.kz сайтына сілтеме жасап. 


Түрмеге телефон кіргізбек болған ақтөбелік ұсталды

Ақтөбе облысы бойынша ҚАЖ департаментіне бағынысты КА-168/1 тергеу изоляторының тәртіп және күзет қызметкерлері мекемеге келген сәлемдемелерді тексеру кезінде, аяқ киімнің табанына мұқият жасырылған екі ұялы телефон және екі “Beeline” сим-картасы мен зарядтағыш құрылғыларды тауып, тәркіледі.

Мекемеге тыйым салынған заттарды Ақтөбе қаласының Р. М. есімді 1990 жылғы тұрғыны (кісі өлтіру бабы бойынша) қамауда отырған ағасына жеткізбек болған. – Азамат Р. М. өзінің түсініктемесінде кінәсін толық мойындады.

Құқық бұзушыға қатысты Қазақстан Республикасының Әкімшілік құқық бұзушылық туралы кодексінің 481-бабы бойынша хаттама толтырылып, материал Ақтөбе қаласының мамандандырылған әкімшілік сотына жолданды, - деп хабарлайды Ақтөбе облысы бойынша Қылмыстық-атқару жүйесі департаментінің баспасөз қызметі.