Статистика департаментінің мәліметінше, өңірден кеткендер саны өткен жылмен салыстырғанда үштен бірге аз. Көші-қон кемуі 1 733 адамды құраған. Оның ішінде сыртқы көші-қонда 657 адам. Сыртқы көші-қон саласындағы облыстың негізгі көші-қон алмасуы ТМД мемлекеттерімен жүріп жатыр.
"Біздің облыстан барған эмигранттардың 99% - ын Ресей Федерациясы қабылдайды. Облысқа ТМД елдерінен келгендер арасында да Ресей көш бастап тұр. Әлемнің басқа елдеріне облыстың 56 тұрғыны кетіп, 44 адам келді. Негізінен көбісі Германия мен Польшаға қоныс аударады. Келгендердің арасында Моңғолия мен Қытай тұрғындары басым", - деп хабарлады департамент өкілдері.
Сондай-ақ, Солтүстік Қазақстанда өңіраралық көші-қон төмендеген. Еліміздің басқа облыстарынан бұл аймаққа 2058 адам көшіп келсе, 3 134 адам көшіп кеткен. Келгендердің негізгі үлесін Ақмола облысы мен Нұр-сұлтан қаласының тұрғындары құрады. Солтүстікқазақстандықтар осы өңірлерге жиі кетеді.
Қазақстандағы және әлемдегі соңғы жаңалықтарды бірінші болып оқу үшін Telegram желісінде бізге жазылыңыз.
